Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Nafta në rritje pas tensioneve në Gjirin Persik, Konfindustria: Të merren masa për të frenuar shtrenjtimin në Shqipëri

Politiko 3 Mars 2026, 12:10

Nafta në rritje pas tensioneve në Gjirin Persik, Konfindustria:

Konfederata e Industrive të Shqipërisë ka reaguar lidhur me pasojat e paparashikuara të tensioneve në Gjirin Persik në ekonominë shqiptare, duke i bërë thirrje qeverisë të ndërmarrë masa të menjëhershme ligjore, veçanërisht në tregun e hidrokarbureve.

Konfindustria kërkon kontroll të zbatimit të ligjit për rezervën strategjike 3-mujore të karburanteve, forcim të konkurrencës për të shmangur spekulimet me çmimet, si dhe përgatitjen e një pakete për uljen e barrës fiskale në rast rritjeje të fortë të çmimeve në tregjet ndërkombëtare.

Ajo thekson se rritja e çmimit të naftës në bursë pritet të reflektohet edhe në tregun vendas, ndërsa kohëzgjatja e konfliktit mbetet e paqartë.

Reagimi i Konfindustrisë:

Konfindustria, duke u nisur nga pasojat e paparashikuara të luftës në Gjirin Persik në ekonomi kërkon, që ekzekutivi të marrë masat e domosdoshme ligjore, sidomos në tregun e karburanteve.

Së pari, duhet kontrolluar zbatimi i ligjit në kompanitë e karburanteve për sigurimin e rezervës strategjike 3 mujore.

Së dyti, duhen marrë masat ligjore në drejtimin rregullator të konkurencës në treg për të shmangur rrezikun e rikthimit të spekullimeve të çmimit të karburanteve si në rastin e krizës së luftës në Ukrainë në vitet 2021-22.

Së treti, kërkojmë, që qeveria të përgatisi një paketë ligjore me synim uljen e barrës fiskale në rast të rritjes së fortë të çmimit të karburanteve në tregjet ndërkombëtare.

Çmimi i naftës ka dhënë shenjat e menjëhershme të rritjes në bursë, duke e bërë të pashmangshme pasyrimin edhe në tregun vendor. Koha e zgjatjes së luftës është e paqartë.

 

Të fundit