Flash News

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

Megaoperacioni/ Grupi me bazë në Durrës, zbardhen emrat e trafikantëve shqiptarë

E-TJERA

Ndahet nga jeta parakohe sopranoja e njohur e TKOB

Politiko 21 Maj 2025, 18:27

Ndahet nga jeta parakohe sopranoja e njohur e TKOB

Është ndarë nga jeta soprano e njohur e TKOB, Redrina Kokona.

Lajmin e ka bërë me dije  Teatri Kombëtar i Operas dhe Baletit, ku njofton se ka humbur një nga zërat e saj më të bukur. 

Njoftimi i TKOB

Sot, Trupa e Korit të Teatrit Kombëtar të Operës, Baletit dhe Ansamblit Popullor është më e heshtur.
Ka humbur një nga zërat e saj më të bukur, sopranon Redrina Kokona.
Me një karrierë që shtrihet në pothuajse tri dekada, Redrina ishte një artiste që të frymëzonte me përkushtimin dhe shpirtin e saj operistik.
E diplomuar me rezultate të shkëlqyera në Universitetin e Arteve në Tiranë, në vitin 1998, ajo e nisi rrugëtimin e saj artistik me një pasion të palëkundur për muzikën klasike dhe një zë që spikati që në hapat e parë.
Në vitin 2000, ajo iu bashkua Trupës së Korit të TKOB-së dhe që atëherë nuk iu nda më skenës.
Ishte gjithmonë aty, në çdo koncert, në çdo premierë, në çdo përgatitje e provë, jo vetëm si pjesë e korit, por edhe si një zë që shpesh dallohej në role solistike, me një interpretim plot finesë e ndjeshmëri.
Publiku do ta mbajë mend si Fiordiligi në operën Così fan tutte, Frasquita në Carmen, Kate Pinkerton në Madama Butterfly, Musetta në La Bohème, Anina në La Traviata dhe Una novizia në Suor Angelica.
Në këtë moment dhimbjeje të thellë, shprehim ngushëllimet tona më të sinqerta familjes, fëmijëve, kolegëve dhe të gjithë atyre që e duan dhe e çmojnë Redrinën si artiste dhe si njeri.
Humbja e saj lë një boshllëk të pazëvendësueshëm në zemrat dhe skenën tonë.
Qoftë i paharruar kujtimi i saj!

Të fundit