Flash News

Berisha publikon skandalin: Skapi i partisë fshehu dokumentin që tregonte se Rama ndryshoi destinacionin e zonës

Berisha: Për të mbrojtur Edi Ramën, shkojnë deri aty sa të shpallin Sali Berishën kryetar të Bashkisë së Tiranës

BBC world Questions (e plotë) / Qeveria Rama ‘nxin’ edhe në anglisht për një audiencë dhjetëra milionëshe

Kërkon pafajësinë, Fredi Beleri dorëzon rekurs në Gjykatën e Lartë

Atentati i dytë ndaj Trump, Berisha: Armiq të lirisë mendojnë të diktojnë me plumba rezultatin e zgjedhjeve në SHBA

E-TJERA

Ndërhyrja në Lagunën e Karavastasë, FSHZH lidh kontratën 1.45 milionë euro

Politiko 2 Gusht 2024, 12:12

Ndërhyrja në Lagunën e Karavastasë, FSHZH lidh

Një pjesë e Lagunës së Karavastasë e cila frekuentohet gjerësisht nga turistët do të pësojë ndërhyrje në funksion të mbrojtjes së saj nga erozioni. Fondi Shqiptar i Zhvillimit njoftoi se tashmë ka lidhur kontratën me vlerën 1.45 milionë euro përfshirë Tatimin mbi Vlerën e Shtuar që ka në objekt Ndërhyrje për ngritjen e modeleve të qëndrueshme SMECO në fshatra me potencial zhvillimi: Sistemimi dhe mbrojtja e argjinaturës veriore të lagunës së Karavastasë prej erozionit”. Kompania fituese Alba Konstruksion do të ketë 12 muaj kohë për të zbatuar fazën e parë të këtij projekti.

Vetë FSHZH pranon në dokumente se kurora e argjinaturës do të shërbejë si atraksion turistik për vizitorët. “Projekti “Sistemimi dhe mbrojtja e Argjinaturës Veriore të Lagunës së Karavastasë prej Erozionit, Faza I ”, synon të formatojë me skarpate të rregullta argjinaturën në anën veriore të lagunës nga CS–1 deri te CS-67 gjithsej 3785 m argjinature, dhe detajon masat për mbrojtjen e argjinaturës nga erozioni i shkaktuar nga veprimi i dallgës + baticë zbaticës në lagunë si dhe nga erozioni që shkaktojnë rrebeshet e shiut.

Duke qenë një zonë e mbrojtur, materialet që do të përdoren për mbrojtjen e argjinaturës të jenë zgjedhur miqësore me mjedisin. Kurora e argjinaturës të shërbejë si atraksion turistik që të ecin këmbësorët për të shijuar bukuritë natyrore që ofron laguna. Mbi argjinaturë do të ndërtohen tre tenda pushimi e vrojtimi me material druri, si dhe tre ura po me material druri, që lidhin argjinaturat me njëra-tjetrën në pjesët ku futen në lagunë përrenjtë dhe kanalet e kullimit” sqarohet në dokumente.

Laguna e Karavastasë ndodhet në qendër të Ultësirës Perëndimore të vendit tonë dhe bën pjesë në parkun kombëtar të Divjakës. Është laguna më e madhe në Shqipëri dhe në gjithë bregdetin jugor të Adriatikut Laguna është e përbërë prej një lagune të brendshme dhe një lagune të jashtme më të vogël. Tre kanale e lidhin lagunën me detin Adriatik.

Laguna e Karavastasë dhe Parku Natyror i saj janë një ndër destinacionet më të frekuentuara në vend n nga vizitorët. Ky park deri në maj mbajti 37 për qind të peshës totale të vizitorëve që frekuentuan Parqet Natyrore./ Monitor