Flash News

Breshëri plumbash drejt makinës, plagoset shqiptari në Zvicër

Ndërtoi pa leje hotelin, Prokuroria e Gjirokastrës sekuestron objektin, lihet në burg pronari

Ndërpritet energjia në Spanjë dhe Portugali, 'paralizohen' shërbimet

Richard Grenell reagon ndaj lajmit te ribotuar nga Politiko: Është i pavërtetë!

Arbjan Mazniku merret në pyetje nga Prokuroria e Tiranës

E-TJERA

Ndërtoi pa leje hotelin, Prokuroria e Gjirokastrës sekuestron objektin, lihet në burg pronari

Politiko 28 Prill 2025, 17:42

Ndërtoi pa leje hotelin, Prokuroria e Gjirokastrës sekuestron

Prokuroria e Gjirokastrës ka sekuestruar një hotel në në lagjen “18 Shtatori”, pasi pronari i tij ndërtoi pa leje.

Godina, e cila ishte përshtatur si hotel, pavarëisht vendimit të Inspektoratit të Mbrojtjes së Territorit, Bashkia Gjirokastër për pezullimin e punimeve pa leje, pronari ka vijuar me përfundimin e ndërtimit të hotelit, duke falsifikuar edhe ekspertimin përmes një shtetasi tjetër.

Nga hetimet paraprake dyshohet se shtetasi R.S ka ndikuar tek shtetasi A.D,  për përpilimin e një akt-ekspertimi të rremë, sipas së cilit punimet e kryera ishin vetëm të karakterit të brendshëm. Në këto kushte me kërkesë të Prokurorisë, u caktuan edhe masat përkatëse të sigurisë.

Prokuroria Gjirokastër ka vendosur sekuestro preventive mbi hotelin, ndërsa për pronarin, shtetasin me inicialet R.S,  ka kërkuar masën e sigurisë ‘arrest në burg’, dhe për ekspertin, ‘arrest në shtëpi’.

Njoftimi

Ndërtoi pa leje pavarësisht vendimit të IMT, Prokuroria Gjirokastër jep masa sigurie për ndërtuesin dhe ekspertin, sekuestrohet hoteli

Prokuroria pranë Gjykatës së Shkallës së Parë të Juridiksionit të Përgjithshëm Gjirokastrës caktoi masën ‘Arrest në burg’ për shtetasin R.S. i dyshuar për veprën penale ‘Ndërtim i paligjshëm’ për qëllime fitimi parashikuar nga neni 199/a/4 i Kodit Penal dhe masën ‘Arrest në shtëpi’ për shtetasin A.D. i dyshuar për veprën penale ‘Ekspertimi i rremë’ për qëllime fitimi parashikuar nga neni 309 p.2 i Kodit Penal.

Po kështu, në kuadër të hetimeve mbi procedimin penal nr.556 të datës 03.11.2023 Prokuroria pranë Gjykatës së Shkallës së Parë të Juridiksionit të Përgjithshëm Gjirokastër ka vendosur sekuestro preventive mbi pasurine nr. 24-108-ND/1+1-2, zk. 8541, sip. 247 m2, e përshtatur si hotel, me vendndodhje në lagjen “18 Shtatori” Gjirokastër, në pronësi të shtetasit R.S, i cili pavarësisht vendimit të Inspektoratit të Mbrojtjes së Territorit, Bashkia Gjirokastër për pezullimin e punimeve pa leje, ka vijuar me përfundimin e ndërtimit të hotelit.

Nga hetimet paraprake dyshohet se shtetasi R.S ka ndikuar tek shtetasi A.D për përpilimin e një akt-ekspertimi të rremë, sipas së cilit punimet e kryera ishin vetëm të karakterit të brendshëm. Në këto kushte me kërkesë të Prokurorisë, u caktuan edhe masat përkatëse të sigurisë.

Të fundit