Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

E-TJERA

Ndeshja Shqipëri-Serbi/ Tirana në “blindim total”: 2000 efektivë policie, kontrolle antidronë dhe kufizime të trafikut

Politiko 5 Qershor 2025, 11:37

Ndeshja Shqipëri-Serbi/ Tirana në “blindim total”: 2000

Tirana do të jetë nën masa të jashtëzakonshme sigurie më 7 qershor, për shkak të zhvillimit të ndeshjes së shumëpritur ndërmjet Shqipërisë dhe Serbisë në stadiumin “Arena Kombëtare”.

Policia e Shtetit ka hartuar një plan të detajuar masash, duke vendosur në terren rreth 2000 efektivë policie, të cilët do të garantojnë rendin publik para, gjatë dhe pas sfidës.

Në kuadër të këtij plani, do të përdoren për herë të parë pajisje antidronë, të cilat do të aktivizohen në perimetrin e stadiumit për të neutralizuar çdo mjet fluturues të paautorizuar.

Policia ka paralajmëruar kontrolle të imtësishme ndaj tifozëve në hyrjet e stadiumit për të ndaluar futjen e objekteve të rrezikshme si fishekzjarrë, banderola me përmbajtje raciste, flakadanë apo sende të forta. Po ashtu, apelon qytetarët që të mos përdorin dronë, pasi çdo mjet fluturues i paligjshëm do të rrëzohet menjëherë.

Në bashkëpunim me UEFA-n, Federatën Shqiptare të Futbollit dhe institucionet e tjera, Policia ka marrë masat për të garantuar një ambient të sigurt për sportistët dhe tifozët.

Qarkullimi i mjeteve do të ndalohet nga ora 15:00 e ditës së ndeshjes në disa segmente kryesore pranë stadiumit, përfshirë bulevardin “Dëshmorët e Kombit”, rrugën “Papa Gjon Pali II”, rrugën “Dervish Hima” dhe rrugë të tjera përreth.

Për tifozët që vijnë nga rrethet, janë përcaktuar pika të veçanta parkimi në terminale dhe parkingje publike, për të shmangur kaosin në qendër të kryeqytetit.

Policia njofton se çdo tentativë për futje të paautorizuar në fushë, hedhje objektesh të forta apo përdorim të lëndëve piroteknike do të trajtohet si vijë e kuqe ligjore, me ndëshkime që variojnë nga gjoba deri në burgim nga 3 muaj deri në 5 vjet, sipas Kodit Penal.

Gjithashtu, theksohet se shpërndarja e biletave të fotografuara në rrjetet sociale mund të çojë në dublim të tyre dhe, për rrjedhojë, në pamundësi për të hyrë në stadium. Biletat janë personale dhe kontrollohen përmes barcode.

Të fundit