Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

‘Ndëshkimi i memeve’, Ylli Rakipi: Rama synon të bllokojë median online, nuk i ka nën kontroll

Politiko 5 Dhjetor 2020, 09:55
‘Ndëshkimi i memeve’, Ylli Rakipi: Rama synon të
Ylli Rakipi, gazetar

Kodi i ri Penal, i cili po hartohet nga Ministria e Drejtësisë në bashkëpunim me përfaqësues të drejtësisë shqiptare dhe misionet e ndërkombëtare, parashikon një sërë veprash të reja penale, disa prej të cilave kanë prodhuar debate dhe polemika.

Sipas një dokumenti që qarkulloi në media nga dita e mërkurë, Kodi i Ri parashikon edhe kriminanlizmin e montazheve apo memeve. Personat që publikojnë montazhe me fjalë apo imazh të një personi, pa pëlqimin e tij, duke i dëmtuar reputacionin dhe kur nuk përmendet shprehimisht se publikimi është një montazh, do të dënohen deri në 1 vit burg. Ndjekja penale do të fillojë me një ankim të personit që ka qenë objekt i montazhit apo memes dhe do të pushojë nëse personi tërhiqet.

I ftuar në Spotlight nga Alban Dudushi, në Vizion Plus, Kryetari i Shoqatës së Gazetarëve, Ylli Rakipi ka deklaruar se është kryeministri Rama ai që synon të bllokojë median online.

“Demokracia është garë dhe ai nuk të lejon përderisa mban mediat e veta, i financon ato, i ushqen, i furnizon, kjo do të thotë se ai e ka në kontroll këtë media.

Shqetësimi i kryeministrit tonë sot, është se ai nuk ka nën kontroll, jo median klasike, por atë online, të cilën e bëjnë fare pak njerëz. Dhe ky është një problem për kryeministrin sepse nuk i ka nën kontroll, dhe përpiqet ta bëjë këtë.

Në ditët e sotme ne kemi një shtrirje shumë të madhe të mediave që kontrollohen dhe financohen nga pushteti.”

Rakipi deklaroi se ajo çka po kërkon kryeministri Rama me ligjin për median është që AMA të marrë rolin e Gjykatës.

“Unë do të shkoj në gjykatë, ndërsa ky kryeministër që kemi nuk do të shkojmë në gjykatë. Ky thotë. Ky thotë do shkosh para AMA-s dhe ajo do të penalizojë ty.

Ky zotëri nuk e ka qejf gjykatën. Gazetarët të shkojnë në gjykatë, por jo para AMA-s, ku mund të kesh njerëz me njërën palë dhe me tjetrën.

Sot, PD, opozita ka dorëzuar pushtetin dhe AMA është në favor tënjërës palë dhe ajo mund të bëjë me ty dhe me mua çfarë të ketë dëshirë. Dhe ky kryeministër që është në qeveri e ka bërë në mënyrën më të qëllimtë për të vënë nën kontroll elementin online.”

Të fundit