Flash News

Drejtori i ARRSH-së paraqitet në SPAK

Berisha thërret protestë më 16 maj: Zgjedhjet u diktuan nga bandat kriminale

Dosja “Toyota Yaris”/ SPAK kërkon 6 vite burg për avokatin Radovan Çela

Shkodër, familjarët gjejnë të varur 65-vjeçaren

Burgu i Durrësit ‘bastion’ i PS

E-TJERA

Ndezi qëllimisht zjarr në tokën e kushëririt, arrestohet 58-vjeçari në Prush

Politiko 12 Gusht 2024, 09:27

Ndezi qëllimisht zjarr në tokën e kushëririt, arrestohet

Një 58-vjeçar është arrestuar pasi ka ndezur qëllimisht zjarr në tokën e kushëririt, në Prush të Tiranës.

Shtetasi N.M akuzohet për “Shkatërrimi i pronës me zjarr” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 151 dhe 297 të Kodit Penal. Përpos se ka vënë zjarrin, burri mbante me vete edhe një mjet prerës e një çakmak.

"Vuri zjarr me dashje në tokën e kushëririt të tij, identifikohet dhe arrestohet 58-vjeçari.

Specialistët për Hetimin e Krimeve të Komisariatit të Policisë Nr. 6, në vijim të punës për identifikimin dhe vënien përpara përgjegjësisë ligjore të autorëve të zjarrvënieve, arrestuan në flagrancë shtetasin:

– N. M., 58 vjeç, për veprat penale “Shkatërrimi i pronës me zjarr” dhe “Prodhimi, mbajtja, blerja apo shitja pa leje e armëve të ftohta”, parashikuar nga nenet 151 dhe 297 të Kodit Penal.

Ky shtetas dyshohet se, ditën e djeshme i ka vënë zjarrin një sipërfaqe toke me pemë dhe shkurre në pronësi të kushuririt të tij, në fshatin Prush. Gjatë kontrollit fizik shërbimet e Policisë i gjetën dhe sekuestruan, 58-vjeçarit, një mjet prerës thikë dhe një çakmak.

Drejtoria Vendore e Policisë Tiranë apelon për të gjithë qytetarët, që në asnjë rast të mos shkaktojnë zjarrvënie, pasi do përballen me ligjin, dhe fton ata që të denoncojnë në numrin 112 për çdo rast të zjarrvënies ose çdo rast paligjshmërie, duke iu garantuar anonimat të plotë dhe reagim të menjëhershëm”, njofton policia.

Të fundit