E-TJERA

Ndoka  tregon ku gaboi kreu i PD: Nuk desha ta mbyll karrierën se donte Basha

Ndoka  tregon ku gaboi kreu i PD: Nuk desha ta mbyll karrierën se

Kryetari i PDK, Nard Ndoka deklaron se kreu i PD Lulzim Basha gaboi gjatë fushatës pasi u përpoq të krahasohej me kryeministrin Edi Rama, ndërsa ka komentuar humbjen e opozitës në zgjedhjet e 25 prillit.

I ftuar në MCN TV, Ndoka thekson se Basha nuk e paraqiti koalicionin si ekip dhe kjo rezultoi në disavantazh për opozitën.

Pjesë nga intervista:

Ndoka, pas rezultatit të zgjedhjeve, që u la jashtë Kuvendit, keni shprehur pakënaqësi ndaj Basha. Pse?

Ndoka: Është e rëndësishme që ti evidentojmë disa gjëra dhe pas një analize përgjegjësitë të shikohen edhe tek vetja. Kemi pasur edhe ne problemet tona dhe një nga ato është mungesa e një bashkërendimi të taktikës elektorale që pati kosto për fushatën.

E keni fjalën që LSI ishte e vetme?

Ndoka: Edhe kjo. Një koalicion së bashku do ta kishte bërë Bashën kryeministër dhe opozitën maxhorancë. Nëse do të ishim një e tërë nuk do të ishin humbur shumë vota. Nëse Rama ishte vetëm, Basha pati një koalicion, më të madhin që ka pasur një forcë politike ndonjëherë. Këtë ai nuk e paraqiti si ekip, iu fsheh koalicionit dhe u përpoq të krahasohej me Ramën, ti ngjante atij në fushatë.  

A e keni thënë këtë Bashës?

Ndoka: Ia kemi thënë dhe kemi gjykuar se do të paraqitej koalicioni si i tërë dhe të lëviznim së bashku, kjo nuk ndodhi dhe partitë e koalicionit nuk dhanë maksimumin për shkak edhe të marrëveshjeve. U duk si diçka e sforcuar ndërkohë që ne ishim në opozitë për 8 vite së bashku dhe dogjëm edhe mandatet.

Krymadhi dhe Duka thonë se opozita gaboi me djegien e mandateve. Po ju si mendoni?

Ndoka: Jo, vazhdoj ta konsideroj vendim të drejtë, por i lamë kauzat tona përgjysmë dhe për këtë jam penduar. Kur mbështetja qe maksimale kur ishim në çadër ne u tërhoqëm. Nuk kishte sens ti riktheheshim parlamentit.

Po për koalicionin jeni penduar?

Ndoka: Jo. Këtë nuk e shfrytëzoi Basha, ai në mënyrë të njëanshme e shkeli marrëveshjen me Partinë Demokristiane. Nuk desha ta mbyll karrierën se donte Basha.

Pse fajësoni PD?

Ndoka: Interesi jonë është të faktohet vjedhja e votave, kjo është kauza sot. Kur të mblidhemi si koalicion do analizohet situate. Kolegët e mi që kthyen qindra vota në favor të tyre dhe kjo ishte e pafalshme dhe kjo do të ketë kosto edhe për koalicionin.

Raportet si do vijojnë?

Ndoka: Unë i kam pranuar përgjegjësitë e mia. Nëse opozita nuk do të kthehet në maxhorancë, unë do të shoh raportet e mia. Përgjegjësia është e Bashës që unë jam penalizuar sot. U lash në një listë të pafavorshme, i 13 në listë. U përpoq dhe sot jam në një periudhë për të analizuar vetveten dhe të shohim çfarë nuk ka shkuar. Do jetë lidershipi i ri që do ta shohë pozicionin tim. Unë e kam bërë publik qëndrimin tim. Do ballafaqohem me ato që më kanë mbështetur.

Do vijoni aleancën me PD apo do kërkoni bashkëpunim me PS në zgjedhjet lokale?

Ndoka: Jo, nuk do doja që kjo të ndodhte. Besoj që pjesa programore, përveç përplasjeve do jetë njëfarë reflektimi edhe për vetë Bashën.

Çfarë përgjegjësish do mbajë Basha?

Ndoka: Nuk e di cili do të jetë vendimi i Bashës, ai ka zgjedhur rrugën institucionale dhe besoj është rruga më e mirë. Basha i ka fituar zgjedhjet, por devijimi I votave shkaktoi këtë situatë. Basha duhej të kishte marrë masa sepse i dinte lidhjet e Ramës me krimin. PD është një parti e madhe që ngrihet edhe përtej këtyre diskutimeve.

Të fundit