Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

E-TJERA

Nga gjobat te heqja e licensës së profesionit, çfarë parashikon Urdhri i ri i Mjekëve për orët e punës te privati?

Politiko 8 Gusht 2024, 10:40

Nga gjobat te heqja e licensës së profesionit, çfarë

Me ndryshimet e reja në Urdhrin e Mjekëve parashikohen masa duke filluar nga vërejtjet, pezullimi i shërbimeve mjekësore, gjoba deri në 1 milionë lekë e deri te heqja e licencës së mjekut.

Masat e marra do të shërbejnë si rregullator në ushtrimin e profesionit të mjekëve të cilët punojnë paralelisht edhe në shtet edhe në spitale private, pa cenuar aktivitetin e tyre profesional.

Masat e reja parashikojnë që mjeku të “të mos punojë në sistemin shëndetësor jopublik më shumë se 30 për qind të orëve mujore, që punon në sistemin shëndetësor publik”.

Një nga pikat për të cilat u kërkohet në mënyrë të qartë mjekëve në spitalet publike është që këta të fundit të mos t’i drejtojnë pacientët e tyre në spitalet private.

“Një anëtar i Urdhrit të Mjekëve, që kërkon të ushtrojë profesionin e mjekut në një institucion shëndetësor jopublik, duhet t’i bëjë kërkesë titullarit të institucionit shëndetësor publik, ku ai është i punësuar".

Në kuptim të këtij ligji, termi “ushtrim i profesionit të mjekut” përfshin hapjen, pjesëmarrjen, si edhe punësimin në një institucion shëndetësor jopublik”, thuhet në ndryshimet e kryera në Urdhrin e Mjekut të botuar në Fletoren Zyrtare.

Në ndryshimet e reja parashikohet se mjekët që ushtrojnë profesionin e tyre në spitalet publike që kanë përfituar statusin e autonomisë nuk mund të punojnë në spitalet private.

“Anëtarët e Urdhrit të Mjekëve, të cilët janë punësuar në një institucion shëndetësor publik, që ka përfituar statusin e autonomisë spitalore financiare...”, theksohet më tej në ndryshimet mbi urdhrin e ri të mjekëve.

Po ashtu, në Aktin Normativ parashikohen masat disiplinore në rastet kur vërtetohet se anëtari i Urdhrit të Mjekut ka kryer shkelje të etikës, të Kodit të Etikës dhe Deontologjisë Mjekësore ose ka bërë gabime teknike.

Ato nisin që me vërejte, pezullim për të realizuar shërbime të caktuara mjekësore, për një periudhë nga 6 muaj deri në 3 vjet, pezullim të licensës së ushtrimit të profesionit të mjekut në tërësinë e saj, për një periudhë nga 6 muaj deri në 5 vjet, gjobë me vlerë nga 100 mijë lekë deri në 1 milion lekë deri në heqjen e licensës për ushtrimin e profesionit të mjekut.

Të fundit