Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ndryshon procedura për bizneset/ Ankesat për prokurime e koncesione, do dorëzohen në e-Albania

Politiko 1 Nëntor 2021, 09:32
Ndryshon procedura për bizneset/ Ankesat për prokurime e koncesione,
Foto Ilustruese

Operatorët ekonomikë vendas dhe të huaj tashmë nuk do të kenë nevojë t’i drejtohen zyrave për të dorëzuar ankesat e tyre lidhur me procedurat përkatëse.

Procesi i dorëzimit të ankesave për procedura prokurimi, koncesioni, ankandi, leje minerare pranë autoriteteve kontraktore dhe KPP, do të bëhet përmes e-Albania.  

Lajmin e ka bërë të ditur kryeministri Edi Rama përmes një postimi në Facebook. Përmes një video krahasuese, citohet se ndryshe nga viti 2010 ku bizneset kalonin kohë në rradhë të gjata si dhe shpenzonin shumë për procedurat, këtë vit gjithçka përfshirë edhe pagesat do të realizohen në portalin e-Albania.

Pasi operatori dorëzon ankesën, kjo e fundit shqyrtohet nga autoritetet përkatëse dhe njoftimi i vjen operatorit në kohë reale.

“Sistemi i ri i dorëzimit dhe menaxhimit të ankesave sjell një standard të ri të marrëdhënieve biznes-autoritetet kontraktor dhe KPP. Nëpërmjet e-albania të gjithë operatorët ekonomikë, vendas dhe të huaj do të dorëzojnë pa kosto shtesë ankesa për procedura prokurimi, koncesioni, ankandi, leje minerare pranë autoriteteve kontraktore dhe KPP.  

Sistemi mënjanon tërësisht kontaktin me biznesit në çdo zyrë shteti dhe përmbyll ciklin e zhvillimit, tërësisht elektronik të procedurave të prokurimit. Operatorët ekonomikë do të kenë mundësi jo vetëm të dorëzojnë ankesën me nënshkrim elektronik por edhe të realizojnë pagesën përmes Platformës Qeveritare të Pagesave Elektronike.

Me dorëzimin e ankesës sistemi integrohet me sistemin e Prokurimeve Elektronike, QKB dhe Drejtorinë e Përgjithshme të Tatimeve.Vetëm me një klikim çdo ankesë e regjistruar dorëzohet njëkohësisht pranë autoriteteve kontraktore dhe KPP.

Ankesa publikohet në kohë reale në regjistrin publik të ankesave. Autoritet kontrakturë shqyrtojnë ankesën dhe njoftojnë operatorin ekonomik përmes platformës.

Më pas KPP do të shqyrtojë ankesën dhe do të japi një përgjigje të vulosur dhe nënshkruar elektronikisht. Vendimi i njoftohet palëve në kohë reale,” thuhet në video.

Të fundit