Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ndryshon udhëzimi për mësuesit, me 3 muaj punë s’ka stazh profesional!

Politiko 30 Janar 2025, 14:27

Ndryshon udhëzimi për mësuesit, me 3 muaj punë s’ka

Mjaftojnë 3 muaj punë në një institucion arsimor që mësuesit t’i shmangen praktikës së detyrueshme profesionale.

Është ky ndryshimi më i ri në urdhrin nr.100, datë 25.02.2022, i cili presupozon që një mësues është ia aftë të kryejë punën e tij me vetëm tre muaj mësimdhënie. Nga një periudhë e detyrueshme 1-vjeçare, praktika profesionale prej dy vitesh është reduktuar në tre muaj. Po kaq, nevojiten që i njëjti mësues të vijojë punën pa iu nënshtruar stazhit profesional, një hallkë e detyrueshme për mësuesit e sapodalë nga auditorët e universiteteve.

“Subjekti i përjashtuar nga detyrimi për kryerjen e praktikës profesionale është personi që ka kryer të paktën tre muaj punë si mësues në një institucion arsimor dhe ka fituar diplomën sipas pikës 1 të këtij neni”, – citohet në udhëzimin e ri të ndryshuar, i cili vijon me një tjetër risi, kësaj radhe procedurale.

“Pas përfundimit me sukses të praktikës profesionale të çdo periudhe, AKAP përcjell në MAS raportin e praktikës profesionale për profesionin e rregulluar të mësuesit”. Me këtë ndryshim, nuk do të jetë më Drejtoria e Përgjithshme e Arsimit Parauniversitar, ajo që do të merret me këtë proces, por Agjencia Kombëtare e Arsimit Parauniversitar. Ndryshim kanë pësuar edhe dosja e dokumenteve duke u tkurrur në numër. Nuk do të jenë më shtatë dokumente, por dy: diplomat në fushën e mësuesisë ose diploma të njëvlershme me to, sipas përcaktimeve në ligjin nr.80/2015 “Për arsimin e lartë dhe kërkimin shkencor” si dhe raporti mjekoligjor.

APLIKIMI PER STAZH

Sikundër edhe shumë shërbime të tjera që po kryhen “online”, edhe regjistrimi për kryerjen e praktikës profesionale kryhet “online”. Procesi fillon pas daljes së shkresës nga MAS, “Për zhvillimin e praktikës profesionale për profesionin e rregulluar të mësuesit për çdo vit të ri shkollor”, shkresë, e cila publikohet në faqen zyrtare të çdo zyre vendore të arsimit parauniversitar dhe institucioni që ka detyrë funksionale organizimin dhe administrimin e procesit të praktikës profesionale për profesionin e rregulluar të mësuesi. Kandidati bën aplikimin “online”, duke plotësuar të dhënat e nevojshme të formularit dhe pret përgjigjen e miratimit ose refuzimit të aplikimit.

Çdo mësues fillimisht do të duhet që të hyjë online në portalin “e-Albania” në adresën www.ealbania.al, ku duhet të zgjidhni shërbimin e listuar, si: “Aplikim për zhvillimin e praktikës profesionale (kandidatët për mësues). Më pas do të duhet që të klikoni butonin “Përdor” dhe të plotësoni të gjithë të dhënat e nevojshme të kërkuara në formular dhe ngarkon dokumentacionin e kërkuar. Pasi të plotësoni me kujdes të dhënat e kërkuara në këtë formular, duhet që të klikoni butonin “Dërgo”.

Do të jetë personi përgjegjës në zyrën vendore të arsimit parauniversitar që do të bëjë shqyrtimin e aplikimit tuaj, i cili më pas do të bëjë edhe njoftimin nëse jeni përzgjedhur apo jo për të ndjekur praktikën në shkollën përkatëse. Kandidatet që aplikojnë për zyrën vendore përkatëse të arsimit parauniversitar, duhet të jenë banorë të atij qyteti që mbulon këtë zyrë vendore të arsimit. Gjatë plotësimit të formularit “online”, kandidatët duhet të ngarkojnë me korrektësi gjithë dokumentacionin e kërkuar (sipas tabelës përbri shkrimit)./ Gazeta Panorama