Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Ç’ne Floriana në politikë?”, Garo: E shihja Shqipërinë tek përkeqësohej, do jap modelin tim. PD parti e vlerave

Politiko 12 Mars 2021, 16:59

“Ç’ne Floriana në politikë?”, Garo: E shihja

Zëdhënësja e fushatës së PD-së, Floriana Garo ka qenë e pranishme në aktivitetin e zhvilluar nga kryedemokrati Basha në Durrës, ku prezantoi kandidatet gra për deputete për zgjedhjet e 25 prillit.

Gjatë fjalës së saj, Garo tha se duke qenë larg, e ka parë Shqipërinë në një tjetër prizëm dhe është kthyer për të dhënë modelin e saj dhe se iu bashkua PD-së, pasi e sheh si partinë e vlerave.

“Unë jam Floriana Garo, besoj se njihen nga publiku në fushën e medias, por shumë njerëz thonë ‘Ç’ne Floriana në politikë?’ Kjo është pyetja që më është bërë më së shumti qëkur jam në rolin e zëdhënëses e fushatës së Partisë Demokratike. Jam shumë krenare për këtë dhe do shpjegoj pse jam krenare. Në fakt thelbi i asaj që unë jam, i asaj që unë jam bërë, jetës time ka qenë vazhdimisht lëvizja dhe ndryshimi. Kjo më ka ardhur ndoshta se kam një baba që ma ka trashëguar këtë, ndryshimin dhe gjithmonë me lëvizje dhe një nënë që ka thënë që ti duhet të jesh e zonja, ti duhet të jesh e fortë, të kesh liritë e tua dhe të bëhesh kushdo që ti të bëhesh. Më është dhënë mundësia që të emigroj dhe them mundësi në atë kohë sepse në vitin 2002 kam emigruar në ShBA, ku kam jetuar për 8 vjet. Aty jam mësuar me një tjetër jetë ku unë punoja për të përballuar studimet e larta në New York për marrëdhënie ndërkombëtare, në fakt shumë njerëz nuk e dinë këtë sepse unë jam njohur gjithmonë si Floriana e Klanit. Por ky është një fakt i pamohueshëm dhe më vjen mirë që edhe kthehet dhe më shërben në këtë fushë të re që jam. Vendosa të kthehem në vitin 2010 mbas një jete në Amerikë, për ti dhënë një shans edhe Shqipërisë për zgjedhjet e mia të asaj kohe sepse vërtet e doja Shqipërinë. Isha e lumtur në Shqipëri, por isha e lumtur edhe në atë flluskën time gjatë kohës së televizionit ku pata fatin të arrija sukses. Duke qenë larg Shqipërisë, e kam parë Shqipërinë në një prizëm tjetër. E kam parë Shqipërinë tek përkeqësohet, dhe kam thënë ndoshta se unë duhet të kthehem dhe të jap modelin tim, modelin e kthimit, sepse vërtet kam besuar të lëvizja te diçka që është e re, diçka që qëndron në status quo bëhet e mërzitshme. Ndaj kjo ishte arsyeja pse doja të vija dhe të kontribuoja me imazhin tim për PD-në sepse besoj se është parti e vlerave. Duke parë këto zonja këtu me histori të suksesshme dhe me forcë karakteri.

Dua që të gjithë ato gra që nuk e kanë këtë mundësi, por i shohin këto zonja këtu, të thonë pse jo dua të bëhem edhe unë kështu. Kur je këtu në flluskën këtu, thuhet që politika nuk ndryshon, janë po të njëjtit njerëz, por nuk është ashtu, lëvizja është e rëndësishme, frymëzimi është i rëndësishëm, shpresa është e rëndësishme. Dhe ka ardhur koha për këtë shpresë, ka ardhur koha për ta ndryshuar, gratë do ta ndryshojnë, por si do ta ndryshojnë, duke shkuar dhe votuar” u shpreh Garo gjatë fjalës së saj.