Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

E-TJERA

Në janar tentuan t’i vrisnin edhe vëllain, vrasja e “Sanços” që e bëri Andrea Kalemin shënjestër të atentateve

Politiko 21 Korrik 2024, 17:10

Në janar tentuan t’i vrisnin edhe vëllain, vrasja e

Tre persona u vranë dhe një mbetur i plagosur nga atentati në Memaliaj, ku ndër viktimat ishte Shyqo Kalemi, babai i Andrea Kalemit. Atentati që i mori jetën edhe kamarierit të lokalit Gledio Muka, si edhe një klienti rastësor që po konsumonte kafe, Marsel Çela.

Ngjarja dyshohet të ketë lidhje me ekzekutimin e Aleksandër Sadikajt, i njohur si “Sanço” dhe Edmond Papës.

Dy ditë para se të ekzekutohej më 11 qershor 2022, Sadikaj ka qenë në qytetin e Sarandës ku ka fjetur në hotelin ”Blues Sky”, në pronësi të Edmond Papës dhe vëllait të tij Kristo Qirici. Kjo ka faktuar se Sadikaj dhe Edmond Papa, njiheshin mirë me njëri-tjetrin.

Por për shkak të borxheve të lindura si pasojë e blerjes së një sasie prej 100 kg hashash në Memaliaj, marrëdhëniet mes dy miqve ishin kthyer në kontradiktore.

Më 12 dhjetor 2022 ekzekutohet Edmond Papa, ngjarje e cila u pa si hakmarrje pas vrasjes së Sadikajt. Për vrasjen e Papës u arrestuan Andrew Bode dhe Albano Velo, të dy persona që kishin njohje me Andrea Kalemin, djali i dajës së Aleksandër Sadikajt.

Edmond Papa është parë nga familjarët e Sadikajt si autori dhe organizatori i vrasjes së ndodhur më 11 qershor 2022.

Por, me vrasjen e Papës, nisi një sagë hakmarrje e cila vuri në shënjestër Andrea Kalemin. Ky i fundit i shpëtoi një atentati në ishullin Pax të Greqisë më 9 gusht 2023. Kalemi ishte me pushime me gruan dhe fëmijët e tij kur u qëllua me armë.

Më 14 dhjetor 2023 Andrea Kalemi plagoset me thikë në burgun  “Koridhalos” në Greqi. Autori sipas mediave grekte kishte qenë një 28-vjeçar egjiptian.

Më 12 janar 2024, Kalemit tentohet t’i ekzekutohet i vëllai. Zamir Kalemi ishte duke udhëtuar me mjet kur u qëllua me breshëri kallashnikovi dhe mbeti i plagosur në këmbë.

Soot, pas mesnate, Andrea Kalemit i ekzekutuan babanë 74-vjeçar Shyqo Kalemi dhe i plagosën xhaxhain e tij. Viktima nga atentati mbetën edhe kamarieri Gledio Muka dhe klienti Marsel Çela, persona që nuk kishin lidhje me ngjarjet.

Pas krimit autorët  janë larguar me shpejtësi në drejtim të Mallakastrës me një automjet të cilin dyshohet se e kanë djegur në fshatin Bejaj, Mallakastër.

Të fundit