Në Kadastër punohet me dy harta që të bllokojnë njerëzit? Pranon Lame: E vërtetë, por ne duam ta shmangim

Drejtori i Agjencisë Shtetërore të Kadastrës, Artan Lame ka pranuar se në Kadastër punohet me harta, e për pasojë njerëzit nuk marrin zgjidhje për çështjet e pronave, kryesisht në jug të vendit.

I ftuar në ‘Zonë e lirë’, ishte analisti Arjan Çuri, ai i cili e përballi me këtë fakt.

“Kadastra punon me dy harta. Harta vektoriale dhe harta treguese janë dy hartat që punon Kadastra. Kur jepni lejen e legalizimeve, përdorni hartën vektoriale. Kur shkojnë njerëzit me lejen e legalizimeve në Kadastër, nxjerrin hartën treguese. Në Kadastër punojnë me dy harta që t’i bllokojnë njerëzit, ka raste kur u thonë njerëzve që prona jote bie në vrimë. Loja e madhe e këtyre të Kadastrës me idenë e atyre që drejtojnë Kadastrën, që është personazh politik, nga njëra anë tundin hartën vektoriale dhe nga ana tjetër Kadastrat i kanë lënë me hartat e vjetra. Kur shkon me lejen e legalizimit, Kadastra nuk të jep certifikatë pronësie”, tha Çuri,  ndërsa Lame ka pohuar.

“Është e gjitha e vërtetë. Zotëria thotë që Aluizmi punon me harta vektoriale. Kështu është, ne duam ta shmangim dhe ndaj po i bëjmë hartat elektronike”, tha Lame.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm