Flash News

Përplasen dy mjete në Karbunarë, një i plagosur

Zjarr pranë qendrës së personave me aftësi të kufizuar në Berat, dyshohet i qëllimshëm

Në kërkim ndërkombëtar për korrupsion, ekstradohet nga Afrika administratori i Inceneratorit të Fierit

Zjarr në Kavajë, përfshihet nga flakët një pikë grumbullimi hekurash

Apeli i GJKKO-së lë në fuqi sekuestron e pasurive të Arben Ahmetajt

E-TJERA

Në kërkim ndërkombëtar për korrupsion, ekstradohet nga Afrika administratori i Inceneratorit të Fierit

Politiko 14 Qershor 2025, 15:30
Në kërkim ndërkombëtar për korrupsion, ekstradohet nga
Loran Dusha

Administratori i Inceneratorit të Fierit, Loran Dusha, i cili ishte shpallur në kërkim ndërkombëtar për korrupsion është ekstraduar në vendin tonë nga Zimbabve.

Sipas Policisë Dusha ishte shpallur në kërkim ndërkombëtar pasi Gjykata e Posaçme kundër Korrupsionit dhe Krimit të Organizuar (GJKKO), në vitin 2022, i kishte caktuar masën e sigurisë “Arrest në burg”, për veprat penale “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale ose i veprimtarisë kriminale”, të kryera në bashkëpunim.

Nga hetimet ka rezultuar se Dusha, në cilësinë e administratorit të Inceneratorit të Fierit, ka përfituar fonde publike në mënyrë të paligjshme, përmes faturave dhe pagesave fiktive, për punë dhe shërbime të pakryera.

Pas mbërritjes në Shqipëri, 42-vjeçari iu dorëzua Drejtorisë së Përgjithshme të Burgjeve.

Njoftimi i Policisë

Falë bashkëpunimit të ngushtë mes Interpol Tiranës dhe Interpol Harare, u bë e mundur lokalizimi, kapja dhe ekstradimi nga Zimbabve, shtet në Afrikën Jugore, i shtetasit shqiptar L. D., 42 vjeç, lindur në Lushnjë, i shpallur në kërkim ndërkombëtar.

Ky shtetas ishte shpallur në kërkim ndërkombëtar pasi Gjykata e Posaçme kundër Korrupsionit dhe Krimit të Organizuar (GJKKO), në vitin 2022, i kishte caktuar masën e sigurisë “Arrest në burg”, për veprat penale “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale ose i veprimtarisë kriminale”, të kryera në bashkëpunim.

Nga hetimet ka rezultuar se shtetasi L. D., në cilësinë e administratorit të një kompanie private, ka përfituar fonde publike në mënyrë të paligjshme, përmes faturave dhe pagesave fiktive, për punë dhe shërbime të pakryera.

Pas mbërritjes në Shqipëri, 42-vjeçari iu dorëzua Drejtorisë së Përgjithshme të Burgjeve.

 

 

Të fundit