Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Në kërkim nga Rusia, arrestohet armeni në Qafë Botë

Politiko 30 Janar 2024, 11:41

Në kërkim nga Rusia, arrestohet armeni në Qafë Botë

Një 61-vjeçar armen është arrestuar në Qafë Botë, pasi ishte i shpallur në kërkim prej 12 vitesh nga Rusia për prodhim dhe shitje të lëndëve narkotike.

Në njoftimin  policisë behët me dije se armenit në vitin 2012 i ishte caktuar masa arrest me burg ndërsa pas arrestimit pritet të kryhet ekstradimi drejt Rusisë.

Njoftimi i plotë:

PKK Qafë Botë/Verifikime të hollësishme, për të ndaluar shtetasit e shpallur në kërkim që tentojnë të hyjnë apo të dalin nga Republika e Shqipërisë. Tentoi të hynte në territorin e vendit tonë, ndërkohë që ishte i shpallur në kërkim ndërkombëtar prej 12 vjetësh, nga autoritetet ruse, për prodhim dhe shitje të lëndëve narkotike, arrestohet me qëllim ekstradimin, 61-vjeçari armen, Karen Shakaryan.

Si rezultat i kontrolleve dhe intervistimeve të detajuara në hyrje/dalje dhe i shkëmbimit të informacioneve me Interpol Tiranën, shërbimet e Policisë Kufitare Qafë Botë, në bashkëpunim me shërbimet e Drejtorisë Vendore të Policisë Vlorë, kanë kapur dhe vënë në pranga, në hyrje të vendit, shtetasin e shpallur në kërkim ndërkombëtar: -K. Sh., 61 vjeç, me shtetësi armene dhe me vendbanim në Greqi.

Gjykata e Solnechnogorsk, Moskë, Rusi, me vendimin e datës 25.05.2012, i ka caktuar këtij shtetasi, masën e sigurisë “Arrest në burg”, për kryerjen e veprës penale "Prodhim dhe shitja e lëndëve narkotike”, parashikuar nga Kodi Penal i Rusisë. Vijojnë procedurat për ekstradimin e këtij shtetasi, në Rusi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

 

Të fundit