Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Në prag të zgjedhjeve, Rama kujtohet për emigrimin masiv, premton rritje pagash në 2025-ën

Politiko 13 Mars 2023, 12:17

Në prag të zgjedhjeve, Rama kujtohet për emigrimin masiv, premton

Largimi masiv i të rinjve është një “kambanë alarmi” që ka rënë prej vitit të shkuar, e asokohe qeveria deklaroi se nuk mund të ndalonte të rinjtë të largoheshin nga vendi.

Sa i përket emigrimit masiv në rrugë ilegale drejt Britanisë së Madhe dhe politikave që qeveria vendase ka vendosur të ndjekë, Rama i quajti retorika diskriminuese ndaj shqiptarëve si rrjedhojë e masave të dështuara britanike.

Teksa jemi në prag të zgjehdjeve vendore të 14 majit, Rama i ka bërë thirrje subjekteve private të rrisin pagat dhe të mos lejojnë puntorët të largohen. Sipas kryeministrit, është faji i tyre që sot të rinjtë janë larguar për shkak se ndjehen të pavlerësuar.

Ajo çka po shihet prej muajsh, humbja e krahut të punës, Rama e deklaron sot si të fundin alarm për të reflektuar.

“Besoj se është momenti më kritik i këtyre transformimeve pas daljes se lirisë së tregut, të gjitha palët të bëhen bashkë. Ndërkohë që kam parasysh si palë këtu të gjithë sipërmarrjen. Ne jemi në një fazë ku duhet të synojmë rritjen e vazhdueshme të pagave, jemi në një fazë ku duhet ta konsiderojmë këtë dhe vitet që vijnë si kohën maksimale që kemi për ët kapërcyer hendekun që rrezikon të bëhet i pakërcyeshëm.

Nga ana tjetër nuk është e pamundur që ne të bëjmë më shumë hapa pas hapi dhe të synojmë që njerëzit tanë në vendin tonë, qofshin ata në sektorin publik ose privat të mos ndihen të pavlerësuar, të sfiduar nga mundi i pashpërblyer dhe nga stresi i tundimit për tu larguar.

Sipërmarrja private duhet të bëjë një reflektim pa humbur kohë, sepse duke shtrënguar dorën më shumë se duhet, duke i lënë të fundit pagat, faktikisht i ka hapur vetes një gropë që nëse nuk nxitojmë ta mbyllim sot do bëhet e pambyllshme. Një gropë që vjen si rezultat i humbjes së kapitalit njerëzor. Sipërmarrja nuk duhet ti japë të punësuarit të vetë një pjesë të pagës në bankë dhe një pjesë në dorë, sipërmarrësit tanë nuk duhet të bëjnë gjithçka.

Ajo që ka filluar sot të ndihet është vetëm alarmi i fundit, humbja e burimeve njerëzorë, ajo që ishte dje një problem, problemi që kishte vende pune dhe s’kishte profesionist, sot rrezikohet të kthehet në nje vend që s’ka punëtor. Aq më tepër kur bota, Gjermania po hyn në një fazëkrize pikërisht për punëtorët”, ka deklaruar Rama.

Kryeministri ka vijuar me premtimet elektorale duke deklaruar se në vitin 2025, paga minimale do të arrijë në 45 mijë lekë.

“Kemi vendosur që në vitin 2025 paga minimale të jetë 45 mijë lekë. Në javët dhe muajt në vijim do të kemi në rritje të përgjithshme për të garantuar që për pagat deri në 500 mijë lekë (të vjetra) të mos ketë asnjë taksë. Kjo do të thotë që paga që do të shkojë në arkën e familjes do të jetë më e lartë sesa ajo që shkon sot me takes”, tha Rama.