Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Akuzohet për korrupsion dhe shpërdorim detyre, ish-kreu i Urdhrit të Stomatologut përfundon në burg

Politiko 14 Qershor 2025, 12:24

Akuzohet për korrupsion dhe shpërdorim detyre, ish-kreu i Urdhrit

Prokuroria e Tiranës ka caktuar masën e sigurisë “arrest në burg” për ish-Presidentin e Urdhrit të Stomatologut, Nikoll Deda, i cili akuzohet për një sërë veprash penale që lidhen me abuzime financiare, punësime klienteliste dhe shpërdorim të detyrës.

Hetimet ndaj tij janë iniciuar pas një denoncimi nga shtetasi A.G. në Seksionin për Hetimin e Krimit Ekonomik dhe Financiar, ku u raportua se Deda ka shpërdoruar fondet publike dhe ka vepruar në kundërshtim me ligjin, duke rritur në mënyrë të pajustifikuar buxhetin e Urdhrit të Stomatologut nga viti në vit.

Sipas të dhënave të Prokurorisë, në vitin 2020 buxheti i institucionit ishte 38.5 milionë lekë, ndërsa në vitin 2021 u shtua me 13.5 milionë lekë. Kulmi i rritjes ndodhi në vitin 2022, kur buxheti arriti në vlerën 125.8 milionë lekë, përfshirë edhe blerjen e një godine për institucionin dhe investime të tjera të brendshme. Nga hetimet paraprake rezulton se ekzistojnë dyshime të arsyeshme se kjo rritje buxheti është bërë me qëllim përfitimesh personale dhe shpërdorim fondesh.

Përveç kësaj, Nikoll Deda akuzohet se ka punësuar në mënyrë të paligjshme persona të afërt me të, përfshirë të fejuarat e djemve të tij, duke ndikuar në mënyrë të drejtpërdrejtë në vendimmarrjen e Këshillit Kombëtar të Urdhrit të Stomatologut. Ai ka mbajtur postin e Presidentit të institucionit edhe pas përfundimit të mandatit të tij dhe ka ndërmarrë veprime të njëanshme për përqendrimin e kompetencave në duart e veta.

Njoftimi i Prokurorisë së Tiranës:

Me kërkesë të Prokurorisë Tiranë, caktohet masa e sigurisë ‘Arrest në burg’ për ish-Presidentin e Urdhrit të Stomatologut, N.D. për 3 vepra penale.

Me kërkesën e Prokurorisë pranë Gjykatës së Shkallës së Parë të Juridiksionit të Përgjithshëm, Tiranë u ekzekutua masa “Arrest në burg” për shtetasin N.D. për kryerjen e veprave penale “Vjedhje e kryer duke shpërdoruar detyrën”, “Shpërdorim detyre” dhe “Veprime në kundërshtim me vendimin e gjykatës” të parashikuar nga nenet 135, 248 dhe 321 të Kodit Penal.

Ky shtetas u denoncua nga shtetasi A.G. në Seksionin për Hetimin e Krimit Ekonomik e Financiar për shpërdorim të fondeve dhe se ka vepruar në kundërshtim me ligjin duke rritur buxhetin e ‘Urdhrit të Stomatologut’ nga viti në vit.

Në vitin 2020 ku buxheti ishte 38.500.000 Lek, në vitin 2021 e ka shtuar në vitin me 13.500.000 Lek më shumë.

Në vitin 2022 buxheti ka shkuar në vlerën 125.837.000 Lek për arsye se ka blerë dhe godinë për institucionin, duke përfshirë dhe investimin që ka bërë brenda godinës.

Nga veprimet hetimore rezultoi se ka dyshime të arsyeshme se gjithë rritja e buxhetit ka qenë me qëllim shpërdorimin e fondeve dhe përfitimeve personale për vete apo persona të tretë.

Prokuroria pranë Gjykatës së Shkallës së Parë të Juridiksionit të Përgjithshëm, Tiranë çmon se në ngarkim të të dyshuarit N.D. ekziston dyshimi i arsyeshëm i bazuar në prova se ka konsumuar elementët e figurës së veprave penale “Vjedhje e kryer duke shpërdoruar detyrën”, “Shpërdorim detyre” dhe “Veprime në kundërshtim me vendimin e gjykatës” të parashikuar nga nenet 135, 248 dhe 321 të Kodit Penal.

Sipas raporti Informacioneve shtetasi N.D. është larguar dhe i është shmangur veprimeve hetimore të kryera nga policia gjyqsore duke e bërë evident e konkret rrezikun e ikjes dhe shgmangies nga pergjegjesia penale.

Shtetasi në fjalë në cilësinë e Presidentit të Urdhrit të Stomatologëve lejoi punësimin e njerëzve pa kriter, familjarë të tij, me qëllim manipulimin e vendimmarrjeve të Këshillit Kombëtar nga viti 2016.

Pavarësisht se është marrë i pandehur dhe është aktualisht në proces gjyqësor i akuzuar për nenin 320 të Kodit Penal në një tjetër procedim, ka ndërmarrë veprime aktive në shpërdorim të detyrës për përqendrim të mëtejshëm të kompetencave në duart e tij duke shfrytëzuar strukturat e USSH-së.

Organi i Prokurorisë vlereson se është e nevojshme marrja e masës së sigurimit personal ndaj shtetasit Nikoll Deda, pasi ekzistojnë shkaqe të rëndësishme që vënë në rrezik marrjen ose vërtetësinë e provës dhe ekziston rreziku që ai të largohet.