Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Në pritje të lejes së drejtimit? DPSHTRR njofton si mund ta verifikojë drejtuesi online

Politiko 31 Janar 2022, 09:13

Në pritje të lejes së drejtimit? DPSHTRR njofton si mund ta

Marrja e kartonit të ri të lejes së drejtimit për të gjithë drejtuesit mjeteve, tashmë mund të gjurmohet online edhe nga vetë ata.

Drejtoria e Përgjithshme e Shërbimit të Transportit Rrugor ka njoftuar se gjurmimi dhe verifikimi online i kartonit të ri të lejes së drejtimit mund të bëhet në faqen zyrtare të DPSHTRR, ku drejtuesi i mjetit shikon haptas hapi nëse kartoni është dorëzuar ose jonë drejtorinë rajonale apo në zyrën përkatëse.

“Brenda Shkurtit do të përfshihen edhe kartonat e CAP, si edhe do të ndërveprohet në vijim edhe me e-albania për pop-up informativ në llogarinë e qytetarit për dokumentat e reja nga DPSHTRR!”, shkruan DPSHTRR.

Njoftimi i plotë:

Tjetër RISI e LAJM i MIRË nga DPSHTRR! Rreth 115,000 qytetarë në vit marrin kartonin e ri të Leje Drejtimit, për herë të parë dhe për rinovimet, çdo kategori Leje Drejtimi, pranë 12 drejtorive rajonale dhe 16 nënzyrave anembanë vendit, 1-3 ditë pas aplikimit, përjashtuar Tiranën ku ky shërbim mundësohet brenda 30 minutave!

Për të eliminuar çdo vonesë përtej afateve të programuara dhe çdo risk spekullimi potencial prej: -a erdhi? Pse s’erdhi? A ma shikon pak? A të jap ndonjë gjë të ma sjellësh shpejt, a të kap ndonjë mik a sekser…, DPSHTRR sjell modulin e ri online “GJURMO LEJE DREJTIMIN” në www.dpshtrr.gov.al ku çdo i interesuar verifikon në kohë reale prodhimin dhe dërgimin e Leje Drejtimit të ri në rajonalen apo nënzyrën përkatëse! Kështu i vijmë në ndihmë qytetarëve të mos bëhen pre e asnje sorrollatjeje a vara-vingoje por edhe disiplinojmë shërbimin për shpërndarje në afate!

Brenda Shkurtit do të përfshihen edhe kartonat e CAP, si edhe do të ndërveprohet në vijim edhe me e-albania për pop-up informativ në llogarinë e qytetarit për dokumentat e reja nga DPSHTRR!

Për arsye sigurie personalizimi i Leje Drejtimit kryhet nga Njësia përkatëse në Tiranë dhe kjo e bën të pashmangshme shpërndarjen pas 1-2-3 ditëve në qytetet e tjera sipas largësisë dhe korrierit! Synimi është që të mos zvarritet asnjë qytetar dhe të luftojmë çdo tentativë korruptive a akt abuziv

Të fundit