Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

'Kandidat për deputet në 4 zona', në sa qarqe do të kandidojnë, Rama, Basha e Kryemadhi në 25 prill?

Politiko 4 Dhjetor 2020, 20:06

'Kandidat për deputet në 4 zona', në sa qarqe do

Kryetari i partisë ose i koalicionit ka të drejtën të regjistrohet si kandidat për deputet në katër zona zgjedhore. Pas votimit ai mund të zgjedhë se në cilën zonë dëshiron të jetë deputet.

Ky është njëri nga ndryshimet e reja kushtetuese të Kodit Zgjedhor të miratuar në Kuvend me 5 tetor. Ndonëse jemi vetëm pesë muaj para zgjedhjeve, ende nuk ka shumë të dhëna se ku kanë vendosur të kandidojnë krerët e partive kryesore në vend.

E para që ka konfirmuar është kryetarja e LSI, Monika Kryemadhi. Ditën kur strukturat e LSI e rikonfirmuan sërish kryetare, Kryemadhi zbuloi se një nga qarqet ku kishte vendosur të garojë në zgjedhjet e 25 prillit ishte Fieri.

“Do kandidoj në qarqet më të vështira. Monika s’ka frikë nga gara dhe zgjedhjet. Sot në këto kushte s’kam qëllim të jem veç kryetare e LSI, kam një mision: Ta bëjmë Shqipërinë shtëpinë e gjithë shqiptarëve! T’i kthejmë këtu, të vijnë të punojnë këtu. Të jenë vetë zot. Shqipëria të jetë pjesë e Europës. Kodi i ri zgjedhor na e ka dhënë këtë mundësi të garojmë në disa qarqe, Fieri do jetë një nga zgjedhjet e mia”, u shpreh ajo, ndërsa ka zëra se ajo do të kandidojë edhe në qarqet Tiranë dhe Elbasan.

Ndërkohë, sipas Top Channel, kreu i Partisë Demokratike, Lulzim Basha ka vendosur të kandidojë vetëm në një zone zgjedhore, por duke mos dhënë më shumë detaje se cila do te jetë ajo.

Nga ana tjetër, kreu i PS dhe kryeministri Edi Rama ende nuk ka asnjë të dhënë se ku do ta shohim të kandidojë dhe përballë kujt në zgjedhjet e ardhshme parlamentare.

E drejta e kryetarëve për të kandidatuar në më shumë se një zone, nuk u mbështet së fundmi në një opinion paraprak nga opinioni paraprak i Venecias, i cili u kërkoi kryetarëve të partive politike të përmbahen për të mos kandiduar në disa zona, ndërsa pas zgjedhjeve te 25 Prill ekspertët e Komisionit kërkojnë shfuqizimin e kësaj mundësisë për liderët e partive politike.

Të fundit