Flash News

Aksident në Lushnje, përfshihen katër makina dhe një motoçikletë

SPAK mbylli hetimet, reagon Meta: U firmos me urdhër të Edi Ramës

U mor e pandehur nga SPAK, Kryemadhi: Kryeprokuror i BKH është Edi Rama

Pastroi paratë e Çopjave, arrestohet në Dubai Armis Stafa

Partia Demokratike ankimon rezultatin e zgjedhjeve në Korçë

E-TJERA

"Në Tiranë fitohet shumë"/ Zbardhen përgjimet e punonjëses së seksit, gjatë Ramazanit ankohej për mungesë klientësh

Politiko 26 Maj 2025, 15:55

"Në Tiranë fitohet shumë"/ Zbardhen përgjimet e

Gjykata e Apelit ka lënë në burg një shtetase turke, e akuzuar për ushtrim prostitucioni në Shqipëri. Detajet e dosjes hetimore hedhin dritë mbi rrjetin dhe mënyrën se si operonte ajo në kryeqytet.

Sipas dokumenteve të prokurorisë, vajza kishte ardhur në Tiranë me qëllim ushtrimin e veprimtarisë së paligjshme, pas një propozimi që kishte marrë nga një mike e saj. “Më tha pse nuk shkon atje të punosh si eskortë, sepse ka shumë para, klientët paguajnë shumë. Më tha do të të presë atje një miku im turk”, ka rrëfyer e reja në dëshminë e saj.

Sapo mbërriti në Tiranë, ajo u prit nga një taksist shqiptar që kishte dijeni për qëllimin e ardhjes së saj dhe që e ndihmoi me gjetjen e apartamentit dhe nevojat e tjera.

Hetimet tregojnë se ajo punonte përmes një grupi në WhatsApp me emrin “Isil”, ku ndodheshin tre persona: vetë ajo, një vajzë me pseudonimin "Cansu" që shërbente si operatore dhe një burrë turk i identifikuar si "Hakan", i cili menaxhonte punën dhe siguronte klientët.

Pagesat për shërbimet seksuale varionin nga 150 deri në 200 euro për 30 minuta dhe kryheshin paraprakisht. Fitimi ndahej përgjysmë mes vajzës dhe Hakanit, ndërsa edhe qiraja e apartamentit ku qëndronte përballohej në mënyrë të përbashkët.

Për çdo shumë të grumbulluar, vajza njoftonte menaxherin që më pas dërgonte një person për tërheqjen e parave. Në komunikimet e përgjuara gjatë muajit të Ramazanit, ajo shprehej e pakënaqur për shkak të rënies së kërkesës dhe mungesës së klientëve.

Autoritetet vijojnë hetimet për të identifikuar bashkëpunëtorët e tjerë të përfshirë në këtë rrjet të organizuar prostitucioni.

Të fundit