Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Neritan Nallbati drejtues i Policisë Kriminale, PD: Skandal! Mbështetës i trafikut të kokainës dhe "Xibrakës"

Politiko 28 Korrik 2022, 12:17

Neritan Nallbati drejtues i Policisë Kriminale, PD: Skandal!

Emërimi i Neritan Nallbatit në postin e drejtorit të Policisë Kriminale, skandal i rradhës i qeverisë Rama. Kështu deklaroi shefi organizativ në PD, Klevis Balliu.

Ky i fundit theksoi se Nallbati njihet si mbështetës i pandërprerë i aktiviteteve të paligjshme dhe të infiltruarve të botës së krimit në polici, që kohës kur drejtonte Policinë e Durrësit.

Neritan Nallbati nuk do të pranohej as roje në oborrin e FBI, sipas Balliut, dhe jo më drejtues. Ai shtoi se Nallbati njihet si protektor i “rrugëve të kokainës”.

“Neritan Nallbati emërohet drejtor i Policisë Kriminale, në institucionin me demek të reformuar të Gledis Nanos, edhe pse ai u largua në vitin 2003 si bashkëpunëtor i Hakmarrjes për Drejtësi.

Nallbati është famëkeq sidomos si protektor i “Rrugëve të kokainës”, gjatë kohës si drejtor i Policisë së qarkut Elbasan. Aktiviteti i tij në mbështetje të narkotrafikut ndërkombëtar kulmoi me rastin “Xibraka”.  

Sipas raporteve mediatike dhe konfidenciale, Neritan Nallbati e ka vazhduar pa ndërprerje rolin e mbështetësit të aktiviteteve të paligjshme dhe të infiltruarit të botës së krimit në Polici, edhe në kohën kur drejtonte Policinë e Durrësit.

Që prej tetorit 2021 në portin më të madh në vend ka patur një rritje eksponenciale të trafikut të drogës.

Emërimi i tij në krye të policisë kriminale është rasti i përsëritur i promovimit të korrupsionit në hierarkinë e lartë të Policisë së shtetit. Është tregues se nuk është gara dhe ndershmëria që të ndihmon të bësh karrierë, por përfshirja në afera dhe korruptimi thelbësor”, tha Balliu.

Të fundit