Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

“Nëse nuk ka pasur presion, përse efektivi tentoi të vetëvritej?”/Gazetarja: Çfarë piste ka policia për ngjarjen?

Politiko 18 Janar 2025, 19:21

“Nëse nuk ka pasur presion, përse efektivi tentoi të

Gazetarja Esiona Konomi ka reaguar pas ngjarjes së fundit në Tiranë, ku një efektiv policie ra nga lartësia e një pallati dhe mbeti i plagosur.

Ajo ka shprehur shqetësimin e saj për mungesën e një piste hetimi nga ana e policisë, pasi ende nuk është sqaruar pse ai tentoi të vetëvritej.

Konomi ka komentuar edhe reagimin e Ministres së Brendshme, Bledi Çuçi, e cila e cilësoi ngjarjen si një "furtunë në gotë", duke theksuar se ky rast ka nevojë për transparencë dhe jo për ironi.

Ajo ka ngritur pyetje rreth mundësisë që ngjarja të lidhet me ndalimin e djalit të një biznesmeni të njohur, duke kërkuar që Ministria e Brendshme të ofrojë më shumë informacion mbi rastin dhe të sqarojë çfarë ka ndodhur me kolegun e policisë.

Konomi theksoi se transparenca është e nevojshme për të ndihmuar opinionin publik të kuptojë të vërtetën, ndërsa kritikon reagimet politike dhe ironitë në këtë situatë të ndjeshme.

Postimi i plotë:

Shumë prej nesh, përfshi edhe mua, nuk e dinë nëse ka ndonjë lidhje mes faktit që një polic, i cili ndaloi djalin e njeriut më të pasur në Shqipëri, pak ditë më pas, u hodh nga lartësia.
Nuk jam nga ata që do të shkoj në protestë, sepse nuk jam e qartë se çfarë ka ndodhur.
Po ky ministri im i brendshëm, teksa harxhon kaq shumë energji për ironi dhe kunja politike, a mund të ushtrojë përgjegjësitë e tij dhe të bëjë transparencë mbi atë çfarë i ndodhi policit?
Çfarë piste ka policia për kolegun? Pse tentoi të vetëvritej?
A ka pasur ndonjë proces “persekutues” nga shefat e tij verbalisht apo proceduralisht për ngjarjen?
Nëse kjo nuk lidhej me shoqërimin e djalit të biznesmenit, me çfarë lidhet?
Nëse ajo që pretendojnë ata që kanë thirrur protestën, është “gënjeshtër”, cila është e vërteta e ministrit/policisë/shtetit?
Transparenca do ta ndihmonte opinionin publik, jo ironitë e shpifura dhe reagimet pa asnjë kreativitet.

Të fundit