Nesër dita pa makina, akset ku do kufizohet qarkullimi në Tiranë

Disa akse rrugore në Tiranë do të jenë të bllokuara nesër  nga ora 09:00 deri në orën 15:00 në sajë të nismës ‘dita pa makina’.

Rrugët ku do të kufizohet qarkullimi i mjeteve në Tiranë janë:

Bulevardi "Dëshmorët e Kombit" nga Ministria e Brendshme deri në fillim të "Ish- Hotel Dajti".

Bulevardi "Dëshmorët e Kombit" nga Ura e "ish Hotel Dajtit" deri në kryqëzimin me rrugën "Ismail Qemali".

Segmenti i rrugës "Myslym Shyri" nga kryqëzimi i Gjykatës së Lartë me drejtim dalje në Bulevardin “Dëshmorët e Kombit”.

2. Qarkullimi i automjeteve, mjeteve të emergjencës dhe Policisë së Shtetit do të bëhet sipas planit të lëvizjes më poshtë:

Mjetet e emergjencës, Policisë së Shtetit, Shërbimit Publik Urban Qytetas dhe Taxi 4+1 do të jetë i mundur për gjatë gjithë kohës në segmentet e përcaktuara në pikën 1 të këtij vendimi.

Për të gjithë automjetet e tjera aksesi do të jetë në rrugët Ibrahim Rugova, Blv. Zhan D'Ark. Blv.Bajram Curri dhc George.Ë.Bush. Qarkullimi në kryqëzimin e rrugës "Myslym Shyri" me rrugën "Ibrahim Rugova" do të jetë i detyruar djathtas.

Qeveria vendosi që çdo e diel e parë e çdo muaj do të jetë dita pa makina.

Vendimi është një masë që do t’i shërbejë planit për kursimin e energjisë elektrike. Fillimisht, qeveria vendosi të fikë dritat e rrugës përgjatë disa akseve rrugore si autostradat, si edhe urdhëroi fikjen e dritave të institucioneve që nuk përdoren.