Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

Nesho për zgjedhjet: Të manipuluara, nuk duhet të njihen

Politiko 9 Qershor 2025, 16:48

Nesho për zgjedhjet: Të manipuluara, nuk duhet të njihen

Diplomati Agim Nesho e cilëson procesin zgjedhor të 11 majit, si të manipuluar dhe të mbushur me shkelje të rënda që, sipas tij, janë tashmë të dukshme për opinionin publik shqiptar dhe të reflektuara edhe në raportet ndërkombëtare.

Nesho thotë se Partia Demokratike po zhvillon një proces të vazhdueshëm dokumentimi të parregullsive në çdo qark, ndërsa përputhja e këtyre fakteve me raportin paraprak të OSBE/ODIHR është tregues i qartë i mungesës së standardeve demokratike.

“Ky është një proces që PD po e kryen në mënyrë të vazhdueshme, jo vetëm sot por nga dita në ditë me fakte të reja për çdo qark parregullsitë që janë vjedhjet, përdorimi i administratës dhe të gjitha problematikat që janë evidentuar tashmë dhe janë të qarta përpara opinionit publik shqiptar.

Këto problematika përkojnë me atë raportin paraprak të OSBE-ODIHR që kanë dalë duke i shënjestruar zgjedhjet në Shqipëri si problematike. Me të drejtë PD dhe opozita si përfaqësuese e opozitës së vërtet, kërkon dhe qëndron kundër. Ky proces zgjedhor i manipuluar nuk duhet të njihet.

Në fakt, reagimi i faktorit ndërkombëtar ka qenë shumë i fortë. Duhet të themi që nuk janë vetëm rezolutat e fundit ose komentet në Komisionin e jashtëm të Parlamentit Evropian, ku Shqipëria është në një proces të avancimit të procesit të integrimit dhe ju me të drejtë e nënvizuat sepse me të vërtetë diskutimi i deputetit Gahler ishte shumë i fortë. I papranueshëm jo vetëm për standardet evropiane por edhe për të gjitha vendet e tjera perëndimore. Këtu flitet që krimi i organizuar, narkoshteti, pengon zgjedhjet e lira për t’u pranuar dhe legjitimuar institucionet e shtetit shqiptar.

Nuk kanë munguar rezolutat. Kanë filluar që përpara zgjedhjeve, 3 rezoluta njëra pas tjetrës duke thënë që janë të gjitha partitë e qendrës së djathtë. Është EPP e parlamentit Evropian dhe në vazhdimësi me të gjitha këto kritika që janë bërë prezente.”- tha Nesho në SyriTv.

Të fundit