Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga avulli i byrekëve tek aromat e qebapëve: Shqiptari që solli shijen e Ballkanit në zemër të Staten Island

Politiko 16 Korrik 2025, 19:30

Nga avulli i byrekëve tek aromat e qebapëve: Shqiptari që solli

Nëse ndodhesh në Staten Island dhe të merr malli për ushqimin shqiptar, ndalo një herë në "Alba Cafe and Market". Nuk është thjesht një market, por një copëz Ballkani e gjallë, ku të ngacmon avulli i byrekëve dhe qebapët përgatiten me dorë — çdo ditë.

Pas kësaj aventure që ka marrë zemrat e komunitetit, fshihet Artie Shiani, një ish-avokat nga Maqedonia dhe Shqipëria, i cili emigroi në SHBA në vitin 2018 për një jetë më të mirë për veten dhe fëmijët e tij. Sot, ai nuk i jep më drejtësi dosjeve, por ushqimit – si kuzhinier, kamerier, ekspeditor dhe mikpritës i përkushtuar.

“Më pëlqen t’i bëj njerëzit të lumtur. Çfarëdo që bëj në kuzhinë, e bëj me dashuri”, – thotë Shiani, ndërsa përgatisin një tjetër turë byrekësh të hollë të mbështjellë me dorë.

Nga raftet me djathë te banaku i kasapit

Edhe pse modest në përmasa, Alba Market ofron një përzgjedhje të pasur produktesh nga Ballkani: djathëra të importuar nga Shqipëria, Maqedonia, Greqia e Bullgaria, kos i bërë në shtëpi, gjalpë i veçantë dhe ajvar në mbi 20 variante – me spec të kuq, me patëllxhan, të ëmbël apo pikant.

Në banakun e mishit, është kasapi Eddie që siguron që çdo copë mishi të jetë e freskët dhe e prerë aty për aty. Ofrohen biftekë, mëlçi, veshka, por edhe salçiçe të bëra në shtëpi – përfshirë qebapët e famshëm ballkanas.

Ushqim i freskët, çdo ditë

Restoranti i bashkangjitur është zemra e vendit. Nuk do të gjesh këtu asgjë të ngrirë – vetëm gatime të përgatitura në vend, çdo mëngjes. Byrekët mbështillen me dorë, brumi shtrihet si pica, specat mbushen me oriz dhe mish, ndërsa gulashi zien ngadalë me lëng mishi të bërë vetë.

“Ne e presim mishin në repartin e kasapit, e sjellim në restorant, e gatuajmë dhe e shërbejmë. Gjithçka është e freskët,” thekson Shiani me krenari.

Një oaz i vogël, por komunitet i madh

Alba Cafe & Market është i hapur çdo ditë nga ora 9 e mëngjesit deri në 9 të darkës. Restoranti ofron pesë gatime të ndryshme çdo ditë, përveç menusë së rregullt. Alkooli nuk shërbehet, por kafetë dhe pijet e gazuara e bëjnë shoqërinë më të ngrohtë. Për ata që kërkojnë shërbim catering për evente, Alba është gjithashtu në dispozicion.

Të fundit