Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga Blushi, Malaj, Islami... analisti: Rama ka spastruar vazhdimisht eksponentët që i bënin hije

Politiko 7 Prill 2026, 19:17

Nga Blushi, Malaj, Islami... analisti: Rama ka spastruar vazhdimisht

Analisti Fatos Lubonja deklaroi se kryeministri Edi Rama i ka spastruar herë pas here eksponentët që ishin një zë kundër tij, siç ishte rasti i LMN-së, mendimi ndryshe i drejtuar nga Ben Blushi dhe së fundmi me zhvendosjen e disa figurave si Elisa Spiropali.

Duke folur në “News 24”, ai tha se Rama nuk bën dot ndryshime thelbësore në PS, edhe pse herë pas here “ndryshon gjithçka për të mos ndryshuar asgjë”.

Madje edhe për rastin e Belinda Ballukut, pavarësisht pezullimit, shkarkimit dhe marrjes së saj të pandehur, njerëzit e saj vijojnë të jenë aty.

“Rama ka pasur gjithmonë kujdes që t’i spastrojë ata eksponentë që i bënin sadopak hije. Ka përjashtuar shumë nga ata si Ben Blushi, Kastriot Islami dhe Arben Malaj në atë lëvizjen e tyre që bënë një platformë, ide të artikuluar të mendimit ndryshe, kurse të tjerët as nuk kanë guxuar fare. Rama i do pa yndyrë fare, si thotë edhe ajo shprehja”, tha Lubonja.

Madje duke përforcuar diskursin e tij analitik të situatës politike në mazhorancë, mori për shembull rastin e ish-ministres Elisa Spiropali, që shpjegonte fare mirë gjendjen ku ndodhet mazhoranca. Për Lubonjën është pozitive mendimi ndryshe në PS, sikurse kanë vepruar Braçe dhe Spiropali, edhe pse shtoi se nuk shihte që të kishin aq shumë forcë sa për të ndryshuar situatën në parti.

“Kurse për Spiropalin mendoj se është një figurë e djegur, u vetësakrifikua mendoj. Por Ramën e shqetësojnë, sepse kur të lë edhe Spiropali, apo Mamica siç i thoshte, pra motra jote, atëherë mendo se çfarë ke bërë. Në këtë aspekt, Braçe, Spiropali apo të tjerë të heshtur aty janë zhveshje totale e mbretit lakuriq”, vijoi Lubonja.

 

Të fundit