Flash News

Aksident në Lushnje, përfshihen katër makina dhe një motoçikletë

SPAK mbylli hetimet, reagon Meta: U firmos me urdhër të Edi Ramës

U mor e pandehur nga SPAK, Kryemadhi: Kryeprokuror i BKH është Edi Rama

Pastroi paratë e Çopjave, arrestohet në Dubai Armis Stafa

Partia Demokratike ankimon rezultatin e zgjedhjeve në Korçë

E-TJERA

Nga festë familjare në tragjedi/ Hapet GoFund për tragjedinë në Gjermani ku tre shqiptarë vdiqën, katër u plagosën

Politiko 26 Maj 2025, 15:10

Nga festë familjare në tragjedi/ Hapet GoFund për tragjedinë

Aksidenti i rëndë rrugor që ndodhi në orët e para të mëngjesit të datës 25 maj, pranë qytetit Koblenz, në Gjermani  ku janë përfshirë disa shtetas shqiptarë, ka vendosur në vështirësi familjarët e të plagosurve dhe viktimave.

Sipas raportimeve, viktimat janë një burrë 53-vjeç dhe dy gra të moshës 47 dhe 65 vjeç. Ata, së bashku me gjashtë persona të tjerë të moshës nga 20 deri në 66 vjeç, po ktheheshin nga një festë familjare në landin e Hessenit.

Të tre ishin nga Vlora, dhe ndodheshin për vizitë në Gjermani – të mbushur me gëzim për një rast të veçantë: fejesa e mbesës së tyre. Automjeti i aksidentuar ishte i mbushur me nëntë persona. Ndër të plagosurit ndodhet edhe vajza e çiftit të ndjerë – njëra prej tre fëmijëve të tyre. Ajo është aktualisht nën kujdes mjekësor në Gjermani dhe ka pësuar lëndime të rënda.

Familja nuk po përballet vetëm me një dhimbje të pakufishme shpirtërore, por edhe me vështirësi të mëdha organizative dhe ekonomike:

Transportimi i trupave drejt Shqipërisë, shpenzimet e varrimit, trajtime për vajzën e plagosur rëndë, si dhe mbështetja për familjen e mbetur, cila tani duhet të përballet me dhimbjen, tronditjen dhe përgjegjësinë.

Në këtë kohë kaq të rëndë, është hapur një GOFUND. Çdo kontribut është një shenjë e dhembshurisë, njerëzores dhe solidaritetit. Së bashku mund të ndihmojmë që kjo familje të mos thyhet edhe nga pesha e kostove të kësaj tragjedie.

Klikoni linkun per te dhene kontributin tuaj

https://gofund.me/c774af29

Aksidenti ndodhi rreth orës 03:05 të mëngjesit, kur një minibus me nëntë pasagjerë doli nga rruga në të djathtë dhe më pas u përmbys. Policia gjermane ka bërë me dije se asnjë automjet tjetër nuk ishte i përfshirë në aksidentin fillestar, por një makinë tjetër kaloi mbi ‘rrënoja’ pak pas ngjarjes.

Shkaqet e aksidentit janë ende të paqarta, ndërsa autoritetet janë duke vijuar hetimet për të sqaruar plotësisht rrethanat. Gjithashtu, ende nuk janë konfirmuar plotësisht identitetet e disa prej personave që ndodheshin në automjet, ku mësohet se përveç shqiptarëve, kishte edhe shtetas të tjerë të huaj.

Të fundit