Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

E-TJERA

Nga janari 2023, bankat ‘hyjnë’ në e-Albania, pagesat do kryhen direkt nga llogaritë bankare

Politiko 22 Nëntor 2022, 09:39

Nga janari 2023, bankat ‘hyjnë’ në e-Albania, pagesat do

Duke filluar nga janari i vitit të ardhshëm, bankat tregtare dhe Agjencia Kombëtare e Informacionit (AKSHI) do të nisin ndërveprimin midis portalit e-Albania dhe platformave bankare të internet banking.

Përmes këtij ndërveprimi, do të mundësohet kryerja e pagesave të tarifave për shërbimet e ofruara nga e-Albania direkt nëpërmjet llogarive bankare.

Burime nga sektori bankar për Monitor bëjnë me dije se ndërveprimi do të bëhet më një autentifikim të veçantë të klientit për hyrjen në platformën e-banking nga e-Albania, e njëjtë me procedurën që ndiqet për akses nëpërmjet faqes apo aplikacionit të bankës.

Kjo do të shërbejë si një filtër për të mbajtur të sigurta të dhënat e klientëve.

Në fakt platforma e-Albania gjatë këtij viti ra pre e sulmeve të hakerave iraniane çka tregoi se të dhënat e qytetarëve nuk janë aq të sigurta sa qeveria ka pohuar vazhdimisht. Sulmi kibernetik krijoi një bllokadë duke paralizuar shërbimet e e-Albania për disa javë.

Institucionet bankare i rezistuan këtë vit presionit të qeverisë për të nisur një ndërveprim me e-Albania. Shkak ishin shqetësimet për pasigurinë e informacioneve dhe të dhënave të klientëve.

Bankat i rezistuan këtë vit presionit nga qeveria shqiptare për t’i ofruar akses portalit e-Albania në platformat e tyre online, pikërisht për shkak të shqetësimeve të lidhura me sigurinë e informacionit.

Deri tani, pagesat online në portalin e-Albania mundësohen vetëm nëpërmjet POS-it virtual (shërbimit e-commerce) që ofrohet nga njëra prej bankave tregtare në vend. Ky shërbim është më i kufizuar, sepse mundëson vetëm kryerjen e pagesave me kartë bankare.

Ndërsa përmes ndërveprimit me e-Albania, qytetarët do të kenë mundësi që pagesat t’i kryejnë direkt nga llogaritë e tyre bankare.

Të fundit