Nga Klodian Rasha te rapsodi i njohur, vrasjet e bujshme që tronditën vendin gjatë 2020-ës

Atentate të mirëorganizuara, vrasje mafioze dhe me paramendim. Ky vit që sapo lamë pas, është dominuar nga ngjarje të rënda, që kanë tronditur mbarë opinionin publik.

Gjatë 2020-ës janë shënuar sërish një rekord ngjarjesh kriminale, ndonëse tre muajt e vitit vendi u izolua për shkak të pandemisë Covid-19.

Atentatet për larje hesapesh apo gjakmarrje, nisën vetëm një javë pas ndërrimit të viteve. Mëngjesin e 7 janarit, në qendër të Rrëshenit ekzekutohet me një plumb në zemër Kastriot Reçi në sy të një fëmije të mitur.

Vrasja e Reçit, pasoi me një tjetër atentat, tashmë të zhvendosur në Tiranë. Mbrëmjen e 15 Shtatorit, kryeqyteti u trondit nga një shpërthim i fuqishëm tritoli. Presona ende të paidentifikuar kishin vendosur lëndë plasëse në mjetin me të cilën udhëtonte Preng Gjini. Për pasojë ai mori plagë të rënda në trup, ndërsa dy kalimtarë të rastit mbetën të dëmtuar. Hetuesit kanë dyshime se këto vrasje kanë lidhje me njëra-tjetrën, ngjarje që në 5 vitet e fundit kanë shkaktuar 5 viktima mes dy fiseve.

Në 10 janar vritet me shkop druri Enkeleda Capoku në paskuqan nga kunati Eredet Çapoku.

Më 17 Janar, në Kamëz rrëmbehet Jan Prenga. Pas disa javësh hetimesh, policia tha zyrtarisht se ai ishte vrarë.

***

Në 2 shkurt Manjola Çuko, 33 vjeçe u qëllua për vdekje nga bashkëshorti i saj, Lulzim Çuko.

Tri javë më vonë, Esmeralda Filopati, 36 vjeçe së bashkë me vëllain e saj 34-vjeçar u qëlluan me breshëri automatiku në Kodër Rrëshen të Mirditës nga ish-bashkëshorti i së ndjerës.

Pa kaluar ende 24 orë nga vrasja në Rrëshen, në qytetin e Durrësit Hajdie Tosuni, 59 vjeçe u vra nga bashkëshorti i saj Ruzhdi Tosuni. Shkak i vrasjes duket se kanë qenë mosmarrëveshjet mes çiftit.

Mbrëmjen e një marsit mbetën të vrarë me kallashnikov në Durrës Dorjan Shkoza 35 vjeç, ish i dënuar me 8 vjet burg për drogë dhe Anxhelo Avdia.

14 mars, Shkëlqim Halili 50-vjeç vret nipin, djalin e vëllait Julian Halili 41-vjeç në derë të shtëpisë në Fushë-Krujë.

Sherri për dritën e shkallës do të trondiste qytetin e Korçës mbrëmjen e 23 prillit, kur autoritetet sapo morën vendim për daljen nga karantina. Apostol Bozhgolli ekzekutoi me thikë fqinjin e tij Petrika Treska, 67 vjeç.

4 ditë më pas vendi u trondit me 2 ngjarje të rënda ku u morën katër jetë.

Kol Murrani rapsod i njohur në Lezhë dhe Preng Simoni miq me njëri-tjetrin u ekzekutuan nga breshëria e automatikut teksa kishin shkuar për vizitë në banesat e tyre në fshatin Lalm Lukaj.

Po në të njëjtën ditë një atentat mafioz u shënua në Durrës. Tek tregu i makinave dy vëllezërit Besmir dhe Viktor Haxhia u ekzekutuan me breshëri automatiku ndërsa ngjarja u zbardh brenda pak ditëve me arrestimin e Altin Ndocit dhe Klevis Allës, të kthyer në bashkëpunëtor të drejtësisë.

Konfliktet për pronën do të prodhonin sërish viktima. I tillë është dhe rasti i Ramadan Çelës i cili u vra në mënyrë makabre më 11 maj nga kushëriri Hamza Çela, që fill pas ngjarjes ra në prangat e policisë.

Në 24 maj vritet Kristian Breshanaj 25 vjec. Ai ishte djali i shefit të reanimacionit në spitalin e Vlorës. I riu kishte 3 muaj që ishte kthyer nga Belgjika.

Vendi nuk do të gjente qetësi. Një tjetër atentat mafioz mbrëmjen e 30 majit në qytetin e Laçit. Në një hotel u vranë Bujar Lika dhe Paulin Gjergji, ndërsa gjatë shkëmbimit me armë zjarri njëri nga autorët, tashmë në pranga, mbeti i plagosur.

31 maj vritet Ylli Lucaj 65 vjec, i cili punonte si roje në rrugën e re që po ndërtohet në fshatin Kuç, Himarë, por gjatë kohës së komunizmit kishte qenë bashkëpunëtor i sigurimit. Ai u dyshua se u vra nga kultivuesit e drogës nga frika se mos i spiunonte.

Mbrëmjen e 4 qershorit pranë banesës së tyre u ekzekutuan Gramoz dhe Xhontil Bardhi.

Në Tiranë, mbrëmjen e 11 qershorit u ekzekutua me breshëri automatiku Hekuran Billa. Burgimit përjetë për vrasjen në Angli 14 vite më parë e Prel Markut, 40-vjeçari ia kishte hedhur duke korruptuar drejtësinë duke fituar lirinë më janar 2019. Viktor Marku, i arrestuar, dyshohet se mori hakun e vëllait të tij, në një atentat që bashkëpunëtor pati edhe nipin, Sebastian Malin.

20 korrik në Elbasan vritet me armë Emiljano Ramazani, 39 vjeç. 9 ditë më vonë, u godit më shumë se 20 herë me thikë Regis Runaj, 23 vjec duke mbetur i vdekur dhe më pas trupi u hodh pranë varrezave të Elbasanit.

I riu ishte mik i Emiljano Ramzanit, i cili u vra 10 ditë më parë po në Elbasan, i skeduar nga policia lokale si shpërndarës i lëndëve narkotike.

Ndërkohë po në Elbasan në 30 korrik mbeti i vdekur Florian Lamçja 40 vjeç pas një konflikti me shishe në një lokal me Adriano Hajdarin 42 vjeç dhe Sokol Sanxhaktarin 34 vjeç, ky i fundit dhëndri i Qazim Sejdinit, ish-kryetarit të bashkisë së Elbasanit.

Gjatë muajit gusht mbeti i vrarë taksisti 71-vjeçar, Abdulla Budlla, vrasja e Gëzim Saraçit në Gjirokastër si edhe krimi horror në Pogradec ku, Olsi Çekiçi që njihej si përdorues u rregullt i lëndëve narkotike vrau nënën e tij Firdes Çekiçi , një skenë tipike e një filmi horror, duke i prerë kokën dhe më pas e vari tek porta e shtëpisë.

15 shtator, 33-vjçari Klevis Kapllani nga Rrogozhina u gjet i vrare me 14 plumba brenda në automjetin e tij.

I riu, i cili njihej me dy emra, Bledar dhe Klevis, ka qenë i dënuar në Itali për lëndë narkotike.

Në 17 shtator vritet Bujar Çela, vëllai i një prej personave të shpallur në kërkim për grabitjen e famshme të Rinasit, Talo Çelës, në zonën e Bradasheshit, pranë qytetit të Elbasanit.

24 shtator, 71-vjeçari Lefter Zhidri vritet nga policia, pas 5 orësh rezistencë duke mos iu bindur thirrjeve për dorëzim. Para se të vritej ai kishte qëlluar mbi forcat RENEA. Konflikti nisi pas debateve që Zhidru e pati me bashkëshorten, e cila i shpëtoi fatmirësisht plumbave.

Në mes të tetorit, vritet biznesmeni Niko Goro në Himarë, pas konflikteve për pronësinë. Policia arrestoi rreth një orë pas krimit autorin, Kliti Leka, 53 vjeç.

27 nëntor Klodian Kola 27 vjeç qëlloi pa dashje me çifte shokun e tij, Elidon Basha me të cilin kishte dalë për gjah.

Një ditë më vonë, vritet 46 vjeçari Ridvan Hyseni në Shkodër, për motive të dobëta.

Në mbyllje të vitit, dhjetori u shoqërua me ngjarje të shumta që çuan edhe ndryshime në qeveri.

27-vjeçari Beniamin Bezhani u vra me armë zjarri në aksin Orikum-Llogara brenda makinës së tij në 1 dhjetor. I riu ishte kthyer në Shqipëri pak kohë para atentatit në Shqipëri, pasi kishte përfunduar dënimin në Itali, ku ishte dënuar për trafik droge.

Katër ditë më vonë, ekzekutohet me plumb në zemër efektivi i FNSH-së në Lezhë, Xhulio Prela.

Në të gdhirë 8 dhjetori, dita e rinisë, si për ironi vritet 25-vjeçari Klodian Rasha. Kjo ngjarje do të shkaktonte mjaft trazira, deri në dorëheqjen e ministrit të Brendshëm, Sandër Lleshaj.

Ejë efektiv i forcave speciale të policisë hapi zjarr dhe qëlloi për vdekje të riun, pranë banesës së tij në zonën e Laprakës, kur ishte ora policore e ndalim qarkullimit si masë kufizuese anti Covid.

Ngjarja ngjalli revoltë, duke sjellë për një javë rresht protesta fillimisht të shoqëruara me sulme ndaj institucioneve shtetërore, tentativa të protestuesve për të hyrë brenda Kryeministrisë, zjarr pemëve të Krishtlindjes si edhe përdorim të gazit lotsjellës nga policia.