Nga Linda Rama te komandantja e New Jersey-t, kë ftoi Yuri Kim në pritjen për Ditën Ndërkombëtare të Gruas

Ambasadorja Yuri Kim organizoi një pritje në Ditën Ndërkombëtare të Gruas. Të ftuara ishin gra shqiptare në qeveri, gazetari, arsim, drejtësi, ushtri, biznes dhe shoqëria civile.

Në fotot e publikuara në faqen e ambasadës shihet se mes të ftuarave ka qenë edhe Linda Rama, bashkëshortja e kryeministrit Edi Rama. Linda është takuar me ambasadoren Yuri Kim dhe është e pranishme gjatë fjalës së mbajtur nga ajo.

Gjithashtu e pranishme ka qenë edhe Etilda Gjonaj, Sekretare për Gruan në PS.

Të pranishme kanë qenë edhe të ftuara nga sistemi i drejtësisë. Kim shihet teksa takon kryetaren e Byrosë Kombëtare të Hetimit, Aida Hajnaj.

Të ftuar ka edhe nga opozita. Kim shihet me deputeten Grida Duma.

Kryediplomatja amerikane ka pritur edhe Lisa Hou, komandanten e parë grua të Gardës Kombëtare të New Jersey-t.

Kim vuri në dukje se gratë udhëheqëse janë duke i dhënë formë të ardhmes së Shqipërisë. Ajo vlerësoi gjithashtu punën e grave shqiptare, që përfaqësojnë vendin në skenën botërore.