Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga organizimi i tifozerive te trofeu/ Tirana ‘vishet’ me ngjyrat e Conference League, masat e FSHF

Politiko 11 Maj 2022, 13:37

Nga organizimi i tifozerive te trofeu/ Tirana ‘vishet’ me ngjyrat e

Më 25 maj “Air Albania” do të presë finalen e Conference League, mes Romës dhe Feynoord. Vetëm 14 ditë e ndajnë ligën nga shpallja e fituesit mes dy skuadrave, holandeze dhe italiane.

Federata Shqiptare e Futbollit ka publikuar ndryshimet që do t’i nënshtrohet kryeqyteti me rastin e zhvillimit të finales së Conference League. Sipas drejtorit të Marketingut në FSHF, Gazmend Malo, pritet që më 24 dhe 25 maj të mbërrijnë në Shqipëri rreth 90 mijë tifozë nga Holanda dhe Italia.

Për Shqipërinë, kjo është finalja e parë e një kompeticioni evropian që luhet në vend. Malo tregoi se stadiumi “Air Albania” i është nënshtruar disa ndryshimeve të vogla, për t’i dhënë më shuam hapësirë tribunës së medias dhe të tifozëve.

“Vetë stadiumi që është pika kryesore po bëhen 4-5 ndryshime të mëdha vetëm për ta mundësuar këtë aktivitet. Së pari, është zgjeruar tribuna e medias, pasi vetë eventi kërkon një numër të madh mediash. Në tribunat e miqve do të reduktohet numri i tifozëve për shkak të studiove televizive për këtë event. Do të shtohen dy ekrane gjigande në stadium si dhe do të krijohen dy shkallë në tribunën kryesore për të zbritur në fushë. Sa i përket aeroportit, është dhënë një garanci e pakushtëzuar për të përballuar fluksin e asaj dite, pasi do të ketë një numër të madh fluturimesh”, tha Malo për Euronews Albania.

FSHF ka treguar edhe përgatitjet dhe eventet që do të zhvillohen duke filluar nga dekorimi i rrugëve të kryeqytetit, , tek ardhja e trofeut dhe mbrëmja gala që do të zhvillohet te Teatri i Operas dhe Baletit si dhe pikat e takimit të tifozëve.

“Rruga kryesore e hyrjes në Tiranë që është Rruga e Durrësit do të ketë sinjalistika për ekipet ku do të shkojnë dhe orientimet e rastit. Sheshi “Skënderbej” do të ketë një organizim të veçantë, i quajtur “Fan Fest”, dhe ku të gjithë njerëzit mund të hyjnë dhe ku do të ketë lojëra futbolli për të gjithë. Futbolli do të jetë “tema e ditës” për të gjithë. Do të vijë trofeu i vërtetë, i ruajtur me security maksimal dhe të gjithë njerëzit mund të vijnë të bëjnë foto, por nuk mund ta prekin. Bulevardi do të bëhet jeshil dhe nga ana vizive do të perceptohet që ky është kryeqyteti ku ky event i madh do të mbahet. Përveç sheshit “Skënderbej” ka edhe dy pika ku do të organizohen dy tifozeritë e klubeve që do të vijnë në Tiranë, të quajtura “Fan Meeting Point”. Secila tifozeri ka grupimet e veta dhe është menduar edhe se si do të drejtohen për të shkuar në pikat e tyre të takimit, përmes ekraneve, tabelave drejtuese. Një pikë do të jetë te Pedonalja në Tiranë, ndërsa pika tjetër e takimit do të jetë te diga e liqenit. Janë dy pika të afërta me stadiumin. Do të ketë darkë gala sa i përket protokollit zyrtar të ndeshjes. Kjo darkë do të zhvillohet në Teatrin e Operas dhe Baletit, në një lloj skenografie të rrallë që nuk është bërë kurrë në Shqipëri. Darka do të zhvillohet në skenë, ku do të jenë drejtuesit më të lartë të UEFA-s dhe Federatës, kryeministri, kryetari i Bashkisë etj. Përveç protokollit që përfshin shkëmbimin e dhuratave, do të ketë edhe një shfaqje të përgatitur për miqtë”, tha Malo.

Rreth 2.100 forca sigurie dhe 400 vullnetarë janë angazhuar për mbështetur eventin futbollistik, të cilët janë trajnuar nga delegacionet e UEFA-s.