Flash News

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

E-TJERA

Nga pasaportat false te rrugët drejt Britanisë e Amerikës, SPAK çon në gjyq 37 persona

Politiko 5 Qershor 2025, 12:37

Nga pasaportat false te rrugët drejt Britanisë e Amerikës, SPAK

Prokuroria e Posaçme Kundër Korrupsionit dhe Krimit të Organizuar (SPAK) ka përfunduar hetimet për një dosje të rëndë kriminale, duke dërguar për gjykim 37 të pandehur, të dyshuar si pjesë e dy grupeve të strukturuara kriminale.

Sipas njoftimit zyrtar, të pandehurit akuzohen për një sërë veprash penale të rënda, përfshirë ndihmën për kalim të paligjshëm të kufijve, falsifikim dokumentesh, krijim dhe pjesëmarrje në grup të strukturuar kriminal, prodhim e shitje narkotikësh dhe shpërdorim detyre.

Bashkim Sulaj, Njazi Ademaj, Fitim Rama, Xhelal Krasniqi, Rrezart Domi, Ylli Brahimaj, Osman Luca, Artur Mici, Emiljan Marashi, Adrian Mema, Jugert Gashi, Maksim Domi, Arsen Caka, Gridi Elezi, Behar Rexha, Deila Qama, Arnold Shahu, Fatmir Stankova, Arben Rushiti, Ylli Çaushaj, Eriola Spaho, Murat Gjuniku, Bajram Xhaja, Bardhyl Imeri, Roland Islamaj, Amarildo Luca, Robert Gjika, Artid Shtylla, Leonard Lama, Xhelil Alla, Besnik Lumaj, Dritan Cena, Altin Neli, Redi Salaj, Behar Nuhiallari, Azem Canaj dhe Perlat Canaj.

Akuzat përfshijnë:
Kalim i paligjshëm i kufirit në bashkëpunim;
Falsifikim i letërnjoftimeve, pasaportave dhe vizave;
Falsifikim dokumentesh dhe vulash zyrtare;
Prodhim dhe mbajtje e mjeteve për falsifikim;
Kultivim dhe shitje e lëndëve narkotike;
Shpërdorim detyre.
Skema kriminale dhe mënyra e operimit
Sipas SPAK, të dy grupet kanë funksionuar nga viti 2022 deri në vitin 2024, duke organizuar kalimin e paligjshëm të shtetasve shqiptarë drejt Mbretërisë së Bashkuar, SHBA-së dhe Kanadasë, përmes përdorimit të dokumenteve false të vendeve të BE-së.

Veprimtaria kriminale përfshinte:

Prodhimin e dokumenteve false (pasaporta, karta identiteti, leje drejtimi);
Rrjet ndërmjetësimi për pagesa dhe organizim udhëtimi;
Transport dhe akomodim të personave, përmes agjencive “Domi Travel” dhe “Boris Travel”;
Udhëzime për sjelljen gjatë intervistave për viza amerikane dhe kanadeze;
Falsifikim të dokumenteve për aplikime vizash dhe përdorim të vulave zyrtare të falsifikuara.
Hetimet zbuluan ambiente në Tiranë të përshtatura për prodhimin e dokumenteve false, ku u sekuestruan 37 vula të institucioneve të ndryshme, dokumente të falsifikuara, kompjuterë, printera, pajisje për monedha virtuale, si dhe shuma të konsiderueshme parash: 25 mijë euro dhe 20 mijë paund.

SPAK nënvizon se veprimtaria ishte e organizuar me role të ndara, që dëshmon për një strukturë të mirëpërcaktuar kriminale me qëllim përfitimin financiar.