Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nga rritja ndihmës ekonomike te edukimi shëndetësor në shkolla/ Tre vendimet e qeverisë

Politiko 29 Dhjetor 2021, 13:50

Nga rritja ndihmës ekonomike te edukimi shëndetësor në

Qeveria ka marrë sot tre vendime për shëndetësinë dhe shtresat sociale.

Ministrja e Shëndetësisë dhe Mbrojtjes Sociale, Ogerta Manastirliu, deklaroi se vendimet e marra kanë të bëjnë me: rritjen e masës së ndihmës ekonomike nga janari i vitit 2022, mbështetja financiare për Spitalin Memorial të Fierit dhe edukimi shëndetësor i fëmijëve në shkolla.

“Vendimi i parë, bërja efektive e rritjes së masës së ndihmës ekonomike duke filluar nga janari 2022. Buxheti për mburojën sociale dhe programet tona sociale është rritur. Për ndihmën ekonomike është rritur me 15 mln dollarë. Do të dyfishohet nga janari 2022 masa e ndihmës ekonomike për rreth 15 mijë familje përfituese të kësaj ndihme që kanë mbi 3 fëmijë. Do trefishohet për fëmijët me status jetimi, për gratë e trafikuara dhe dhunuar. Ky vendim bën të mundur në muajin janar rritjen e masës së ndihmës ekonomike, sipas kategorive dhe sipas strukturës së familjeve. Një politikë sociale e cila bëhet efektive me buxhetin 2022 dhe synon të mbështesë familjes me ndihmë ekonomike. Një tjetër vendim i rëndësishëm që mbështet një prej strukturave spitalore më të rëndësishme në vend, spitali memorial në Fier që po bën 6 muaj që funksionon dhe që po iu shërben më shumë se 330 mijë qytetarëve, po rrit shërbimet dita-ditës. Deri tani më shumë se 29 mijë shërbime. Vendimi që miratuam sot, rrit mbështetjen financiare për këtë spital, duke garantuar dhe rritjen e gamës së shërbimeve që ofron. Vendimi i tretë i qeverisë që prek pikërisht Ministrinë e Shëndetësisë dhe Ministrinë e Arsimit, është një marrëveshje bashkëpunim që bën të mundur edukimin shëndetësor tek fëmijët nga 6 deri në 16 vjeç në shkolla. Edukim shëndetësor për sëmundjet jo të transmetueshme”, deklaroi Manastirliu.

Të fundit