Nga viti 2014, më pak nxënës të diplomuar nga gjimnazet

Arsimi ka qenë një ndër prioritetet kryesore të qeverisë që prej zgjedhjeve të vitit 2013. Sistemi I arsimit të mesëm ka qenë specifikisht një prej pikave ndaj të cilave është bazuar pjesa më e  madhe e premtimeve.

“Rritje deri në shkallën 90% e përfundimit të arsimit të mesëm, deri në fund të mandatit të parë qeverisës.”

Ky ishte një ndër premtimet kryesore në platformën e qeverisjes socialiste për një arsim cilësor në vitin 2013. 

*Pjesë nga program I vitit 2013

Nisur nga ky premtim ne dërguam një kërkesë për informacion Ministrisë së Arsimit dhe Institutit të statistikave për të mësuar numrin e nxënësve të diplomuar nga viti 2014 deri në vitin 2021.

*Kërkesa dërguar Ministrisë së Arsimit dhe INSTAT

Përgjigjja ë parë mbrriti nga Instituti I statistikave ku duket qartë se nga viti 2014 deri në vitin 2020 (viti I fundit i cili na vjen si edhënë nga ky institucion) tregon se ka një rënie drastike të nxënësve të diplomuar.

*Të dhëna nga Instat 2014-2020

*Të dhëna nga Instat 2014-2020

Sikurse shihet nga tabela bëhet fjalë për një rënie prej 1000 deri në 2000 nxënës më pak të diplomuar nga viti 2014 deri në vitin 2020 në këtë sistem arsimor.

Ky fenomen nuk është I dukshëm vetëm në përfundim të tij por që në nisje. Po nga të dhënat e  INSTAT (publike në faqen zyrtare) shohim se edhe numri I të regjistruarve në këtë system është në rënie po sipas të njëjtës periudhë kohore.

*Të dhënat e INSTAT për numri e të regjistruarve në sistemin arsimor (specifikisht për seciën kategori)

Për psikologen Entela Binjaku shifra të tilla tregojnë një plagë të heshtur të shoqërisë që sa vjen e majiset. Rënia është konstante, e përvitshme dhe në të gjitha nivelet, nuk ka njohur ndalje edhe pse është folur për të nga mjaft aktorë që kanë në qendër të punës së tyre edukimin.

“Faktorët janë disa: vështirësitë ekonomike të familjeve shqiptare për të pajisur fëmijët me mjetet e nevojshme, vështirësitë për të përballuar ekonomikisht studimet, mungesa e institucioneve të edukimit në fshatra, mbyllja e institucioneve në zona rurale apo qyteza  ku emigrimi e ka grryer popullatën, lindjet e pakta dhe në rënie, humbja e besimit tek e ardhmja më e mirë falë arsimimit, mungesa e perspektivës për të ardhmen në vend. Kushtet e mjera ku zhvillohet edukimi etj.”-shpjegon Binjaku.

Ëta faktorë të parashtruar nga psikologia Binjaku mbështeten edhe nga fakti se në vitin 2015, një mësues jepte mësim për mesatarisht 18,3 nxënës, ndërsa në vitin 2018 ky tregues zbriti në 17,4 nxënës. Për vitin 2019, një mësues mbulonte 17.1 nxënës.Krahasuar me vitin 2015, vetëm në ciklin e lartë të arsimit bazë afro 31 mijë nxënës më pak dhe në arsimin e mesëm afro 22 mijë nxënës më pak.

“Institucionet tona kanë vështirësitë e veta për trajtimin e kësaj dukurie që ka vite që vetëm përparon dhe degradon shoqërinë, por sic “kjo nuk ndodh vetëm tek ne” po ashtu të shohin e këshillojnë praktikat e vendeve të tjera që hasin të njëjtën vështirësi.”- përfundon psikologia Binjaku./Inva Hasanaliaj