Flash News

Sali Berisha thirret në SPAK, pritet të njihet me akuzën

GJKKO shtyn për në 1 tetor seancën ndaj Talo Çelës

Përleshje e dhunshme mes shqiptarëve dhe egjiptianëve në Itali, 7 të plagosur

Posta e mëngjesit/ Me 2 rreshta: Çfarë pati rëndësi dje në Shqipëri

Mbyllet mbledhja, Noka: Nga nesër, drejtuesit do të jenë në bazë

E-TJERA

Ngjarja u fsheh nga policia? Rrumbullaku kërkon inspektim të DVP Korçë për vdekjen e 42-vjeçarit

Politiko 12 Gusht 2024, 11:06

Ngjarja u fsheh nga policia? Rrumbullaku kërkon inspektim të DVP

Drejtori i Përgjithshëm i Policisë së Shtetit urdhëron inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit

Bazuar në Rregulloren e Policisë së Shtetit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën një 42-vjeçar.

Drejtoria e Standardeve Profesionale në Drejtorinë e Përgjithshme të Policisë së Shtetit do të vlerësojë të gjithë tërësinë e veprimeve dhe reagimit të punonjësve të policisë, prej momentit të parë të marrjes së njoftimit mbi ngjarjen, duke synuar nxjerrjen e përgjegjësisë dhe personave përgjegjës, nëse rezultojnë të tillë.

Drejtoria e Përgjithshme të Policisë së Shtetit shpreh edhe një herë angazhimin maksimal për zbatimin e ligjit dhe punën profesionale dhe me integritet të strukturave të policisë.

Egli Proga ndërroi jetë pas plagëve të marra gjatë një konflikti me autorin e ngjarjes, Denis Meçe, siç rapotoi policia. Të dy janë konfliktuar brenda një lokali dhe më pas Proga ka dalë jashtë tij duke u shoqëruar në spital ku ka humbur dhe jetën.

Ka dyshime që ngjarja të jetë fshehur dhe të jetë raportuar si aksidentale pasi Meçe thuhet të jetë nipi i një funksionari të lartë në Pogradec.

Të fundit