Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ngjela: Ramës i erdhi nga jashtë informacioni për Lleshajn, ka qenë i detyruar për shkarkimin e tij

Politiko 10 Korrik 2021, 19:06

Ngjela: Ramës i erdhi nga jashtë informacioni për Lleshajn, ka

Avokati Spartak Ngjela ka folur mbi operacionin me 9 të arrestur nga SPAK në Ministrinë e Brendshme, lidhur me abuzimin me tenderin për blerjen e uniformave të Policisë së Shtetit me vlerë rreth 27 milionë euro.

Ngjela tha se kryeministrit Edi Rama i ka ardhur prej kohësh informacioni nga jashtë dhe ka qenë i detyruar për shkarkimin e Sandër Lleshajt nga posti i Ministrit të Brendshëm.

“Lleshaj është hequr befas nga ministër, pa ndonjë arsye. Do të thotë informacioni ka ardhur nga jashtë dhe Rama ka qenë i detyruar. Dhe informacioni ka qenë pikërisht për tenderin e uniformave. Luftën antikorrupsion nuk e drejtojmë dot ne sa i përket provave, shërbimet janë të dobëta, dhë shumë mirë që janë marrë ata. Të dhënat e mia që kam, m’i kanë sjellë të gjitha, por kini parasysh nuk janë prova gjyqësore, por fakte. Tani BKH duhet t’i kthejë në prova gjyqësore.” -u shpreh Ngjela në emisionin "Kjo Javë".

Ndër të tjera avokat Ngjela u shpreh se nën akuza do të jetë një pjesë e mirë e zyrtarëve apo ish zyrtarëve në vend, duke nisur nga postet më të larta drejtuese.

“Për të mos e zgjatur kryeministra, 90 % e tyre kanë qenë të korruptuar. Ja ku janë me pallate, ku i gjetën. Këtu janë ish ministra apo kryeministra me pronë deri në 2 mijë ha. Ku i gjetën? Cështja qëndron që shërbimet i dinë, por këto duhen kthyer në prova. Nën akuzë do jenë të tërë.

Të dy palët duhet të kenë frikë, goditja vjen nga pushteti dhe goditja këtu do vijë majtas. Është aksioma e Bonapartit që kur goditi me antiterror terrorin, arrestimet i filloi majtas, nga vetja. Edhe SPAK nga e majta ka nisur. Edhe Rama i njoftoi, nuk kam asnjë përgjegjësi për ju. Tregon se është bashkuar me antikorrupsionin, mendoja se ishte i lëkundur, por kuptova se është angazhuar tërësisht me antikorrupsionin.” -tha më tej Ngjela.

Të fundit