Cilët deputetë votuan kundër dhe kush abstenoi për ngritjen e Komisionit Hetimor për shkarkimin e Metës

Me 97 vota pro, Kuvendi miratoi sot ngirjten e Komisionit Hetimor për shkarkimin e presidentit Ilir Meta, pasi mazoranca e akuzon për shkelje të rëndë të Kushtetutës, mbështetje të opozitës dhe se ka shpërndarë mesazhe që nxisin dhunë.

Ndërkohë, që janë mësuar emrat e 6 deputetëve që votuan kundër dhe njërit që abstenoi. Kundra ngritjes së Komisionit Hetimor për shkarkimin e presidentit kanë votuar ligjvënësit e opozitës parlamentare: Elda Hoti, Artur Roshi, Lefter Maliqi, Kujtim Gjuzi, Fatjona Dhimitri dhe Adriatik Alimadhi, ndërsa ka abstenuar deputeti Ralf Gjoni. 

Afati i punës së Komisionit Hetimor pritet që të jetë një muaj, përgjatë të cilit do të shqyrtohen të gjitha argumentet e ngritura nga Partia Socialiste për shkarkimin e Presidentit. Vendimi i shkarkimit të Presidentit duhet të mbështetet nga të paktën 2/3 e anëtarëve të Kuvendit.

Përbërja e Komisionit:

Kryetar

Alket Hyseni

Nënkryetar

Myslym Murrizi

Sekretar

Klotilda Bushka

Anëtar

Vasilika Hysi

Elena Xhina

Spartak Braho

Halil Jakimi

Nikolin Staka

Arlind Çarçani

Zëvëndësues

Ermonela Felaj

Xhemal Qefalia

Eugen Bojaxhi