Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nis në Durrës stërvitja më e madhe, që pas Luftës së Dytë Botërore; 28 mijë trupa nga 27 shtete

Politiko 4 Maj 2021, 09:48
Nis në Durrës stërvitja më e madhe, që pas Luftës
Foto ilustruese

Sot në Durrës ka nisur stërvitja më e madhe në Europë, që pas Luftës së Dytë Botërore. Në të do të marrin pjesë rreth 28 mijë trupa nga 27 shtete.

“Defender Europe 21” do të demonstrojë aftësitë ndërvepruese të Shteteve të Bashkuara me ushtritë partnere të NATO-s, për sigurinë në Ballkanin Perëndimor dhe rajonet e Detit të Zi.

Tashmë ka nisur ceremonia për nisjen e kësaj stërvitje, ku do të marrin pjesë zyrtarë të lartë të shtetit tonë, por edhe komandantë të huaj. Më herët ministri i mbrojtjes, Niko Peleshi ka publikuar një video që tregon se si do të kryehet stërvitja. Porti i Durrësit ka pritur një fluks të madh mjetesh ushtarake këtë javë.

Në fjalën e tij, shefi i Shtabit të Përgjithshëm të Forcave të Armatosura, Bajram Begaj tha se “Shqipëria godet më fort, se sa pesha e saj”. Ai theksoi se përzgjedhja e Shqipërisë për të zhvilluar këtë stërvitje vë në dukje strategjinë e saj, por edhe mundësinë për të testuar të gjitha kapacitetet.

“Shqipëria dhe FA kanë nderin dhe përgjegjësinë të ofrojnë mikpritjen për këtë stërvitje. Përzgjedhja e Shqipërisë vë në dukje strategjinë e saj, për të testuar të gjitha kapacitetet tona. Do të kemi pamje më të qartë për kryerjen e investimeve strategjike në të ardhmen, për zhvillimin e forcave tona.

Ky angazhim i yni është shprehje e besimit të SHBA për Shqipërinë dhe NATO. Ajo provon se ne jemi të përgatitur për t’u mbrojtur e krijuar stabilitet. Prezenca e gjeneralëve të nderuar amerikanë është dëshmi e qartë e mbështetjes së SHBA për Forcat tona të Armatosura dhe Shqipërinë. Shqipëria godet më fort, se sa pesha e saj. I siguroj gjeneralët amerikanë se nuk do të gjejnë zhgënjim te ne. Për ne shtëpia është e mikut. Jam mirënjohës ndaj autoriteteve shtetërore për mbështetjen. Besoj se me profesionalizimin dhe përkushtimin tonë do t’i hapim rrugë zhvillimit të aktiviteteve të tjera me këtë përmasë”, tha Begaj.

Të fundit