Nis sot rinumërimi i votave të 11 Majit në 4 bashki, ku rrezikohen mandatet?

2.323 qendra votimi në total, përfshirë edhe 85 kutitë e votimit nga jashtë vendit, do të hapen sot për të rinumëruar votat e zgjedhjeve parlamentare të 11 Majit.

Procesi i rinumërimit do të kryhet në stadiumin “Fahrie Hoti” për Bashkinë Tiranë, Fier, Elbasan dhe Durrës.

Kryekomisioneri Ilirjan Celibashi sqaroi një ditë më parë se rinumëirmi do të kryhet nga 24 grupe numërimi, me 63 punonjës të administratës.

TIRANË

Mandati i dytë i partisë “Mundësia”, vihet në diskutim, i cili nëse e humbet i kalon PD-së, dhe bëhet me 14 deputetë. Nëse dalin 1200 vota në favor të PD-së në parlament nuk hyn Erald Kapri, por Ilir Alimehmeti.

DURRËS

Në Durrës, Aulon Kalaja është në garë numërimi me ish-prokurorin Arjan Ndoja.

FIER

Koalicioni “Shqipëria Bëhet” e Adriatik Lapajt e humbi mandatin për rreth 500 vota. Nëse rinumërimi e çon në avantazh partinë e Adriatik Lapajt, atëherë Azmer Duleviç bëhet deputet dhe i rrëmben mandatin PS-së duke lënë jashtë është Zegjine Çaushin.

Kutitë e hapura në Peqin dhe Gramsh nuk pritet të ndikojnë në rezultat.

Sa i përket kandidatëve, diferenca më e ngushtë e kandidatëve demokratë në Tiranë, është mes Jorida Tabakut dhe Ilir Alimehmetit, pasi deputetja e zgjedhur ka një avantazh prej 2400 votash.

Mes socialistëve, diferenca më e ngushtë është ajo mes Olta Xhaçkës dhe Blerina Gjylamentit. Ish-ministrja ka një avantazh prej 140 votash.

Nga ana tjetër, Xhemal Qefalia është 500 vota larg Ornaldo Rakipit, i cili doli fitues.