Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nisma Thurje mbështet Florjan Binajn: Ka denoncuar me guxim korrupsionin

Politiko 6 Tetor 2025, 19:57

Nisma Thurje mbështet Florjan Binajn: Ka denoncuar me guxim korrupsionin

Nisma Thurje ka deklaruar mbështetjen ndaj kandidatit Florian Binaj për kryetar bashkie në zgjedhjet e pjesshme të 9 nëntorit.

Sipas Nismës, Florian Binaj ka qenë aktiv në mbrojtjen e interesave qytetare, duke marrë pjesë në protesta për Teatrin Kombëtar, lumin Vjosa, kundër rritjes së çmimeve dhe padrejtësive të tjera sociale.

Si gazetar, ai është dalluar për guximin në denoncimin e korrupsionit dhe për një zë të pastër dhe të pavarur në një kohë kur propaganda është përhapur gjerësisht.

"Nisma Thurje mbështet Florjan Binajn për kryetar bashkie. Sot, Kryesia e Nismës Thurje vendosi që në këto zgjedhje të mbështesim kandidatin e pavarur për Bashkinë e Tiranës, Florian Binaj. Ky vendim lidhet kryesisht mbi vlerat që Florian Binaj ka treguar në gjithë këto vite aktivizëm.

Si aktivist, Flori ka treguar përkushtimin të jetë gjithmonë në anën e qytetarëve. Me të kemi protestuar përkrah në mbrojtje të Teatrit Kombëtar, në mbrojtje të lumit Vjosa, në protestat kundër rritjes së çmimeve apo shumë padrejtësive të tjera sociale.

Si gazetar Flori ka treguar guximin për të denoncuar korrupsionin. Ai ka folur hapur, pa filtra. Në një qytet ku propaganda ka zëvendësuar të vërtetën, zëri i tij ka mbetur i pastër dhe pavarur.

Tirana ka nevojë për një frymë të re, për njerëz që nuk janë pjesë e sistemit që e ka rrënuar. Prandaj, jemi të bindur si kryetar bashkie Flori do i japë shpresë Tiranës dhe gjithë Shqipërisë.

Si këshilltarë bashkiak, do të ishte të punonim me kryetarin Florian Binajn për të siguruar ushqimin në shkolla, për transportin publik dhe për ta kthyer Tiranën në një qytet që i përket shumicës, jo interesave të pakicës."

Të fundit