Flash News

Paraqitet në SPAK Sali Berisha

Arrestohet në Vaun e Dejës një 28-vjeçar i kërkuar nga Spanja për trafik droge

Bardhi reagon pas shoqërimit të kandidatit të PD: Nuk intimidohemi nga bandat dhe shkelja brutale e ligjit

Policia shoqëron kandidatin e PD në Fier, Bardhi dhe Baçi shkojnë në komisariat

Gjendet i vdekur një 37-vjeçar në Portin e Shëngjinit

E-TJERA

Një apartament dhe një garazh, konfiskohen rreth 500 mijë euro pasuri të Alda Klosit

Politiko 12 Mars 2025, 16:35

Një apartament dhe një garazh, konfiskohen rreth 500 mijë euro

Konfiskohen rreth 500 mijë euro pasuri të Alda Klosit, ish-zyrtares së lartë të Ministrisë së Financave, Alda Klosi, e cila është dënuar me 2 vjet e 6 muaj burg për fshehje pasurie në 19 mars të vitit të kaluar.

Konfiskimi erdhi pas vendimit nga Gjykata e Tiranës, me urdhër të Prokurorisë dhe bëhet fjalë një apartament me siperfaqe 85.09 m2 dhe një garazh, të cilat kanë qenë në emër të ish-bashkëshortit të saj, Altin Klosi.

“Nga procedimi pasuror nr.05, 2022, rezultoi se e pandehura/subjekti i hetimit pasuror Alda Klosi, e cila është përfshirë si subjekt deklarimi në ILDKPKI që në vitin 2016, nuk ka deklaruar në këtë institucion pasurinë që nuk e justifikon atë me burime të ligjshme të të ardhurave.

Nga analiza e fakteve dhe e dokumentacionit të administruar rezulton se pasuritë e paluajtshme të llojit apartament dhe garazh, që zotërohen nga ajo dhe nga personi i lidhur, janë pasuri të pajustifikuara nga të ardhurat e ligjshme. Këto pasuri të paluajtshme janë fshehur dhe nuk janë deklaruar në deklaratat e ILDKPI nga personi i hetuar Alda Klosi.

Shuma monetare 368 mijë Lekë të reja, 15 mijë e 600 dollarë amerikan, 462 mijë e 950 Euro, sekuestruar për llogari të procedimit penal nr. 9220/2022 dhe arkëtuar në llogarinë e Prokurorisë në 10.01.2023;
Apartament me siperfaqe 85.09 m2 të shfrytëzueshme me numër pasurie 6/572+1-35, ZK 8210, Vol. 42,Fq 127 pasuri e ndodhur në Tiranë, në pronësi të shtetasit A.K.; dhe
Garazh me sipërfaqe 14.06 m2 të shfrytëzueshme, pasuri e ndodhur në Tiranë, në pronësi të shtetasit A.K.
Kujtojmë se në dhjetor të vitit 2022, Alda Klosi denoncoi se sanitarja Rozeta Dobi i kishte grabitur banesën e saj, por nuk tregoi për shumën e plotë të parave, por për një vlerë më të vogël dhe për vjedhje bizhuterish. Nga hetimi u zbulua se ishin vjedhur 120 mijë euro nga pastruesja, të cilat Alda Klosi më pas i justifikoi duke thënë se janë të xhaxhait të saj që jeton në Amerikë", thuhet në njoftimin e Prokurorisë.

Në një kontroll të dytë, Policia gjeti në banesën e sanitares së saj, Rozeta Dobit edhe një shumë të konsiderueshme që besohet se është 524.800 euro, 8500 dollarë dhe 368.000 lekë të rinj si dhe aksesorë floriri, që besohet i përkasin pikërisht Klosit. Rreth 500 mijë euro u gjetën të fshehur në tubat e aspiratorit.

Pastruesja Rozeta Dobi dhe i biri këmbëngulën në deklaratat e tyre se paratë i përkisnin ish-zyrtares, e cila ia kishte lënë në ruajtje. Kjo shumë e ka bindur prokurorinë se duhet të hetonte nëse ish-zyrtarja e lartë Klosi po pastronte apo jo para të fituara nga korrupsioni.

Ish-zyrtarja u arrestua në Shkurt të vitit 2023, teksa mohoi akuzat ndaj saj. Por, Alda Klosi më 19 mars të vitit të kaluar u dënua nga Gjykata e Tiranës me 2 vjet e 6 muaj burgim për fshehje pasurie. Ajo përfitoi nga gjykimi i shkurtuar dhe u dënua përfundimisht me 1.8 vite burg. Të njëjtin dënim e la në fuqi edhe Gjykata e Apelit më 3 Tetor të vitit të kaluar.