Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Njihet si “mbreti i TikTok-ut”/ Daily Mail ‘e alarmuar’: Shqiptari po sfidon Britaninë, u rikthye ilegalisht

Politiko 10 Janar 2022, 12:18

Njihet si “mbreti i TikTok-ut”/ Daily Mail ‘e alarmuar’:

Rastet e shqiptarëve të akuzuar apo të dënuar jashtë vendit për vepra të ndryshme penale, të cilët deportohen në vendin e lindjes dhe rikthehen sërish prje nga janë deportuar, nuk janë të rralla. Britania e Madhe është një ndër vendet që e ka ngritur më shpesh si problem.

Në një artikull të ‘Daily Mail’, këtë herë emri i cituar është ai Aleks Vishës që njihet si “mbreti i TikTok-ut”. Media britanike shkruan se Visha është ndaluar në muajin mars të vitit të kaluar nga policia britanike. Ai është mbajtur në një qeli në burgun Wandsworth pak para se të deportohej në Shqipëri.

Në kohën e qëndrimit në qeli, sikurse shkruan “Daily Mail”, Visha ka pasur me vete një telefon sekret me të cilin ka filmuar veten nga qelia dhe këtë video e ka ndarë në rrjetin e tij social me miqtë.

Njihet si “mbreti i TikTok-ut”/ Daily Mail ‘e alarmuar’:

Aleks Visha gjatë qëndrimit në burgun e Wandsworth

Pas depërtimit në Shqipëri, Aleks Visha është rikthyer sërish në Britaninë e Madhe. “Për kthimin e tij të paligjshëm në Britaninë e Madhe u alarmuam nga burime sigurie në Shqipëri dhe Britani”, shkruan ‘Daily Mail’. Autoritetet britanike dyshojnë se Visha mund të ketë përdorur një pasaportë false për të hyrë në një vend të Bashkimit Evropian, qoftë me avion apo me traget.

Natën e Vitit e të Ri, Visha postoi një video ku shfaqej i veshur me kostumin kombëtar të Shqipërisë duke festuar në një ‘club’ të Londrës, me të tjerë bashkëkombës e duke kënduar në shqip. Në nëntor, një foto tjetër e shfaqte atë në Londër rrethuar nga letra të mëdha të kuqe të vendosura mbi pemë për të shënuar përkujtimet e armëpushimit.

Visha duke festuar në Londër

Në të njëjtin muaj, ai u fotografua në një apartament me pamje nga horizonti i kryeqytetit teksa u ul në një karrige i veshur me një kapuç stilisti të zbukuruar me një imazh të ikonës së filmit James Dean.

“Daily Mail”, duke marrë në shqyrtim rastin Visha, vendos në pikëpyetje sistemin e siguris në Britani. “Një shpërfillje e tillë flagrante e sistemit të imigracionit paraqet një dilemë të madhe për autoritetet britanike. Visha është një simbol grotesk i një sistemi që po abuzohet në mënyrë tronditëse”, shkruan “Daily Mail”.

Kujtojmë se Sekretarja e Brendshme britanike, Priti Patel, vizitoi Tiranë vitin e kaluar dhe nënshkroi një marrëveshje në bazë të së cilës të dyja vendet ishin përgjegjëse për deportimin e të dënuarve apo të ndaluarve në vendet mëmë.

Megjithatë, sipas ”Daily Mail”, “Shqiptarët janë një problem i veçantë. Shumë duan të vendosen në Britani, ku ka komunitete të mëdha shqiptarësh që e bëjnë jetën të duket tërheqëse përmes fotove në rrjetet sociale”.