"Nuk ka investitorë të huaj ", eksperti i Bashës del kundër PD dhe i bën ‘avokatin’ Ramës: Po parku Voltalia çfarë është?

Anëtari i kryesisë së PD-së, Eno Bozdo gjatë konferencës së sotme të zhvilluar mes drejtuesve të departamenteve të lidhura me çështjet e energjisë në Partinë Demokratike foli në lidhje me sektorin e energjetikës dhe problematikat me të cilat përballet.

Gjatë fjalës së tij Bozdo u shpreh se në 10 vite të qeverisjes së sotme nuk është ndërmarrë asnjë reformë reale duke shtuar se nuk është parashikuar një i tillë e të shkojë deri në fund.

Bozdo u shpreh se nuk ka asnjë investim madhor në fushën e rigjenerimit të energjisë elektrike asnjë hidrocentral të rëndësishme të ndërtuar, asnjë park eolik të rëndësishëm të ndërtuar. 

Por ky konstatim i opozitës, është kundërshtuar jo nga mazhoranca mbi të cilat hidhen akuzat, por nga “opozita” e Lulzim Bashës.

Eksperti i energjisë pranë grupimit të Bashës, Azmer Duleviç ka reaguar në rrjetet sociale pas konferencës së demokratëve, duke marrë rolin e ‘avokatit’ të qeverisë.

Në një postim ai shkruan se nuk është e vërtetë që nuk ka investitorë të huaj në vend, duke përmendur sipas tij parkun fotovoltaik Voltalia 140 MW.

“Si thanë nuk ka investitor të huaj në vend?

Po parku fotovoltaik Voltalia 140 MW me vlerë 135 mln euro investim Francez çfarë është?

Është shtuar numri i elektriçistave nga 2013 në 2024 gati dyfish!

Po a e dinë këta që kjo është gjëja më e mirë që ka bërë OSHEE?Madje dhe sot që flasim duhen edhe nja +500 punonjës të tjerë!

Oshee nuk ka bilanc negativ por KESH!

Shifrat që thanë i kanë gabim,i ka ngel ora te CEZ DIA akoma!

Imagjino këta të drejtojnë sektorin energjetik nesër!

Realisht keqardhje!”, shkruan Duleviç.