Flash News

“PS merr 84 mandate”, si e paralajmëroi Open Data rezultatin e 11 Majit?

Gjykata e Tiranës dënon me burg përjetë Dan Hutrën, vrasësin serial të grave

Shkëlqim Shehu fiton mandatin, më i votuari në Kukës nga PD

Numërohen rreth 80 mijë zarfe nga diaspora, rezultatet deri tani

Këmbimi valutor/ Me sa blihen e shiten monedhat e huaja sot

E-TJERA

"Nuk mund të jetoja pa të"/ Detaje tronditëse nga dëshmia e 23-vjeçarit që vrau Ilaria Sulën në Romë

Politiko 8 Prill 2025, 17:17

"Nuk mund të jetoja pa të"/ Detaje tronditëse nga

Detaje të reja janë zbardhur nga dëshmia e Mark Antony Samson, 23-vjeçari filipinas që vrau shqiptaren 22-vjeçare, Ilaria Sula, në Romë. I riu ka deklaruar para gjykatës se ishte i gatshëm të "luftonte me çdo kusht" për ta rikthyer Ilariën si të dashurën e tij, ndërsa ka përshkruar marrëdhënien e tyre si një lidhje me ulje dhe ngritje, të ngjashme me çdo çift tjetër të ri.

Sipas dëshmisë së Samson, gjithçka ndryshoi kur Ilaria i kërkoi, tre muaj para ngjarjes, t’i tregonte notat e provimeve në universitet. Ky moment, siç ka rrëfyer ai, aktivizoi një traumë të vjetër që e kishte përndjekur që nga shkolla e mesme – ankthin e performancës përballë prindërve.

Gjykatësi që po heton çështjen ka sqaruar se dy të rinjtë ishin njohur në vendin e punës në vitin 2023 dhe ishin lidhur më 30 prill të po atij viti. Megjithatë, marrëdhënia nisi të përkeqësohej në fund të janarit 2025, kur ata vendosën të merrnin një “pauzë” që në fakt nuk u zbatua kurrë, pasi vazhduan të takoheshin.

Samson ka pohuar se sjellja e Ilarias ishte e paqëndrueshme – herë e afruar, herë e largët – dhe kjo e kishte lënë në pasiguri. Gjendja përkeqësohet fillimisht kur ajo e kërcënoi se do ta linte nëse nuk i tregonte notat e universitetit, e më pas në fillim të marsit, kur i rrëfeu se ishte regjistruar në një aplikacion takimesh.

“Ai mbeti i shokuar... ajo donte të dilte vetëm me shoqet, ishte më e ftohtë”, thuhet në aktin e gjyqtarit.

Pavarësisht paralajmërimeve të miqve për t’u distancuar nga kjo marrëdhënie, 23-vjeçari nuk pranoi ndarjen dhe pas kryerjes së krimit tregoi, sipas gjykatësit, një sjellje “jashtëzakonisht të kontrolluar”. Ai madje kishte vazhduar ditën normalisht, kishte shkuar për drekë me një shoqe të Ilarias dhe kishte folur për problemet në marrëdhënien e tyre si të mos kishte ndodhur asgjë.

Më tej, gjykatësi tregon se Samson nisi të mashtronte të njohurit e Ilarias, duke i dërguar mesazhe babait dhe shoqeve të saj si të ishte ajo vetë, për të krijuar idenë se ajo ishte ende gjallë.

Provat kundër tij konsiderohen të pakundërshtueshme. Përveç dëshmive të shumta, gjykata thekson edhe faktin që nëna e vetë autorit ka pranuar se djali i saj kishte pasur sjellje shqetësuese dhe vështirësi të mëdha emocionale.

Të fundit