Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nuk u rizgjodh në Kryesi, Kadilli: Nuk marr leje nga Basha për të bërë opozitë. Bashkëqeverisja, tradhtia më e madhe ndaj PD

Politiko 1 Shtator 2021, 11:09

Nuk u rizgjodh në Kryesi, Kadilli: Nuk marr leje nga Basha për të

Ish-kandidati për kreun e PD, Fatbardh Kadilli e ka kundërshtuar në mënyrë kategorike një bashkëqeverisje PS-PD. Ai tha se nëse kryedemokrati Lulzim Basha do pranonte bashkëqeverisjen, do të bënte tradhëtinë më të madhe ndaj PD. Kadilli theksoi se një akt i tillë do të zhbënte opozitën dhe do të sillte dështimin më të madh demokratik.

“Jam kundër bashkëqeverisjen në mënyrë kategorike, se denatyron demokracinë, ka nevojë për opozitë që përfaqëson pakicën. Në një vend si Shqipëria opozita nuk është e lehtë, politika të asfikson vetevetiu, i bie të zhbëjmë opozitën.

Nëse Basha e bën këtë do bëjë tradhtinë më të madhe të sistemit demokratik e PD, do të sillte dështimin më të madh demokratik. Unë e shumë të tjerë do të qëndrojmë fort kundër kësaj nuk mundet që opozita të bëhet bashkë me qeverinë. E rëndësishme është t’i kthejmë sovranitetin qytetarit. Tre pushtet të delegohen nga vota e qytetarit”, u shpreh ai për 'A2 cnn'.

Kadilli nuk u rizgjodh anëtar i Kryesisë së re të PD. Sa i takon ristrukturimit të brendshëm të PD, ai tha se ishin të pritshme dhe se Basha zgjodhi njerëzit me të cilët do ta drejtojë partinë. Kadilli shtoi se pavarësisht se u përjashtua nga strukturat e PD, do vazhdojë të bëjë opozitë.

“Basha i zgjodhi njerëzit që deshi ta drejtojë, të bëjë opozitë dhe të mundë Ramën. Basha të marrë përgjegjësitë, jo vetëm kënaqësitë me ata që ka zgjedhur për të mundur Ramën.

Sfidat politike janë më të rëndësishme se emrat, figurat nuk kufizojnë mundësitë për të bërë opozitë. Refuzoj mendësinë që të presin nga kryetari, çdokush duhet të dijë rrugën për të bërë opozitë unë e di rrugën time për të bërë opozitë.

Nuk ka nevojë të marr leje nga Basha apo kryesia për të bërë opozitë. Shpalla sfidat e PD dhe kam kënaqësi që ato sot i gjej në linjat zyrtare të PD. Basha ka marrë 4 nga ato 5 sfida dua që tu zbatojë ato sfida dhe të 5 mbështetjen për institucionet e drejtësisë nuk di pse nuk e fut si duhet ta luftojmë korrupsionin. Opozitarizmi im do ketë në themel interesin publik.

Unë do jem opozitar më ketë qeveri, por ky nuk sfidohet pa sfiduar çdo fenomen të keq brenda nesh. Nuk kufizohem nga forumet dhe institucionet partisë, kam shpëtuar", u shpreh Kadilli.