Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Nuk vijnë problemet nga rrjetet sociale", Lubonja: Jemi shoqëri ku dhuna bën lajm

Politiko 20 Nëntor 2024, 17:45

"Nuk vijnë problemet nga rrjetet sociale", Lubonja: Jemi

Analisti Fatos Lubonja e ka cilësuar shqetësuese ngjarjen e ndodhur dy ditë më parë, ku një nxënës 14-vjeçar u qëllua me thikë për vdekje nga një bashkëmoshatar i tij në kryeqytet.

“Vrasje kishte dje, pardje, sot dhe kjo tregon se jemi një shoqëri ku dhuna bën lajm. Edhe në Itali ku jetoj unë ka vrasje, por përditë jo. Shqetësues është fakti se fëmijët ndikohen nga modelet e krimit. Kemi njerëz që bëhen të pasur përmes krimit, që prodhon dhunë. Atëherë këta fëmijët që presin të bëhen të rritur dhe shikojnë se si pasurohen këto modelet e krimit, rrjedhimisht që krijon probleme”, tha Lubonja  në News24.

Ai tha se bulizmi nëpër shkolla është tepër i madh, faktor kryesor. “Edukimi nis nga familja, por arsimimi është në shkolla. Tani duhet parë institucioni i familjes, sepse në jo pak raste ato që ne i quajmë biznesmenë duhen parë si e kanë bërë pasurinë e tyre, sepse mund të jenë kriminelë, që shfaqen si biznesmenë. Po të shkosh në qytete normale ka fusha sporti, parqe, sepse fëmijët kanë energji, ku do e shkarkojnë energjinë që kanë? Nëse këto fëmijë se kanë mundësi të shkojnë në një fushë futbolli apo basketbolli, atëherë diku do e shkarkojnë energjinë, duhet parë edhe në këtë aspekt”, tha Lubonja.

Po sa ndikojnë rrjetet sociale te fëmijët?

Lubonja tha se këto rrjete nuk janë hapur në Shqipëri, nuk i ka hapur as Kryeministri, por ne duhet të shikojmë se çfarë përgjegjësie kemi ne pikërisht për arsimin e fëmijëve. “Teknologjia ka prodhuar shumë probleme, por edhe një celular varet si e përdor”, tha Lubonja.

 

Të fundit