Flash News

Samiti i Komunitetit Politik Europian/ Akset rrugore që do të bllokohen sot në Tiranë dhe orari përkatës

Operacion antid*ogë në Korçë, në pranga dy persona, disa të shoqëruar

Antonio Costa nuk ka një datë për anëtarësimin e Shqipërisë në BE

EMRI/ Goditi me grushte sekretarin e KZAZ-së në Kashar, shoqërohet në polici autori i dhunës

Vëzhguesi i Ornaldo Rakipit godet me grusht kryetarin e KZAZ në Kashar

E-TJERA

Vrasja e Kristian Markut/ Erald Cenaj: “E bleva makinën pa letra dhe e shita, nuk mbaj mend se kujt”

Politiko 28 Janar 2025, 18:25

Vrasja e Kristian Markut/ Erald Cenaj: “E bleva makinën pa letra dhe

Një gabim i autorëve të atentatit ndaj 30-vjeçarit Kristian Marku në Vlorë, më 13 janar, çoi policinë në identifikimin e makinës së përdorur dhe arrestimin e një personi të dyshuar.

Ekzekutorët kishin tentuar të fshinin numrin e shasisë së makinës së përdorur në krim, por kishin harruar një numër të stampuar në pjesën e motorit, i cili nuk ishte fshirë. Makina e djegur plotësisht u gjet në zonën e Kripores në Vlorë, disa minuta pas ngjarjes.

Nga hetimet rezultoi se automjeti, një “Golf 5”, kishte hyrë në Shqipëri në vitin 2022 përmes doganës së Morinës nga një shtetas kosovar. Ky i fundit pranoi gjatë marrjes në pyetje se makina i përkiste atij, por deklaroi se e kishte shitur pa dokument noterial një personi nga Kukësi, të identifikuar si Erald Cenaj.

Policia e lokalizoi dhe ndaloi 36-vjeçarin Cenaj, i cili fillimisht pranoi se kishte blerë makinën nga kosovari, por më pas tha se e kishte shitur atë një personi tjetër, sërish pa dokumentacion. Cenaj pretendoi se nuk e kujtonte blerësin as shumën për të cilën e kishte shitur mjetin, raporton Oranews

Këto dëshmi të paqarta dhe mungesa e dokumenteve e bënë atë të dyshuarin e vetëm të arrestuar deri më tani për akuzën e “Sigurimit të kushteve për të kryer vrasje”.

Kristian Marku u qëllua për vdekje teksa po udhëtonte në aksin Vlorë-Fier me një makinë me qira. Lëvizjet e tij duket se ishin nën vëzhgim të vazhdueshëm nga autorët.

Sipas hetuesve, pista kryesore mbetet ajo e hakmarrjes dhe përplasjes mes fiseve Bardhi dhe Reçi në Mirditë. Ky konflikt ka nisur me atentatin e 26 marsit 2023 ndaj Saimir Reçit, nipit të Kastriot Reçit, i vrarë në janar 2020 në qendër të Rrëshenit. Në shtator 2023, xhaxhai i Kristian Markut, Martin Bardhi, u ekzekutua gjithashtu.

Përplasja mes këtyre dy grupeve po konsiderohet si motivi kryesor i atentatit të stilit mafioz ndaj Markut. Hetimet po vazhdojnë për zbardhjen e plotë të ngjarjes dhe identifikimin e autorëve të tjerë të përfshirë.

Të fundit