Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Nuri: Sfidat e fletës së votimit në zgjedhjet e ardhshme

Politiko 24 Mars 2025, 12:25

Nuri: Sfidat e fletës së votimit në zgjedhjet e ardhshme

Avokati Franc Nuri ka theksuar një çështje të rëndësishme në lidhje me zhvillimet zgjedhore në Shqipëri, duke e analizuar situatën e koalicioneve dhe të subjekteve politike.

Avokati , i ftuar këtë mëngjes në "Kafe Shqeto", ka vënë në dukje faktin se në vendin tonë janë regjistruar shumë parti politike, të cilat më pas janë bashkuar në koalicione, duke çuar në një reduktim të numrit të subjekteve në fletën e votimit.

Nuri u shpreh se PD, për shembull, ka formuar një koalicion me 26 subjekte dhe ka hequr disa nga ato që do të garonin vetë, në mënyrë që të shmangej një fletë votimi tepër të mbushur, që mund të ishte bërë edhe më e madhe se sa ajo që kemi sot.

Ai theksoi gjithashtu se kjo fletë votimi ka një përmasë jashtëzakonisht të madhe, me një gjatësi prej 58.3 cm, dhe se është e rëndësishme të theksohet se kjo është një pasojë e ndryshimeve të fundit në Kodin Zgjedhor, i cili parashikon renditjen e hapur të kandidatëve me emër dhe mbiemër.

Deklarata e plotë:

Fakti që ne kemi me dhjetëra parti në Shqipëri, u regjistruan si subjekte shumë parti politike dhe më pas një pjesë e këtyre partive u grumbulluan në koalicione, që çoi në reduktimin e numrit të subjekteve të koalicionit.

PD duke bërë një koalicion me 26 subjekte, hoqi disa subjekte që po të garonin vetë, mund të kishin qenë edhe ato në fletën e votimit dhe do ta shtonin akoma më tej, duke e bërë fletën e votimit një fletë gjigande, akoma më të madhe se kjo.

Dua të jap një saktësi, përmasat janë ekzaktësisht 58.3 cm dhe kjo është e rëndësishme pasi ne kemi pyetur javën e kaluar në KQZ nëse kjo fletë me këto përmasa do të hynte në kuti votimi, në dhomën e izolimit kur ti voton. Përmasat e saj nga ana teknike, hapësira që lejon është 60 cm dhe mund të shpaloset brenda asaj kutie dhe ti mund të votosh si zgjedhës pa pasur nevojën që ta palosësh fletën.

Është me përmasa jashtëzakonisht të mëdha, por janë rrethanat që e kanë diktuar, sepse për herë të parë Kodi Zgjedhor ka parashikuar që renditja të lista e hapur e kandidatëve të jetë emër dhe mbiemër, që ka bërë që të ketë një fletë votimi në Tiranë me 407 emra në listë të hapur, pa llogaritur ato në listë të mbyllur.

 

Të fundit