Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"O kone...a je ti zv.kryeministri në përgjimet italiane?"/ Përplasje mes Salianjit dhe Braçes në Kuvend, reagojnë pas incidentit

Politiko 16 Nëntor 2021, 11:43

"O kone...a je ti zv.kryeministri në përgjimet italiane?"/

Tensione dhe përplasje ka pasur mes deputetit demokrat Ervin Salianjit dhe atij socialist Erion Braçes. Salianji ka lëshuar akuza për Braçen, duke i drejtuar pyetjen nëse ishte ai zv.kryeministri që kishte dalë në përgjimet e Porkurorisë italiane në çështjen e Rezart Taçit.

Braçe ka ngritur tonin duke replikuar nga vendi, çka e ka nervozuar Salianjin, i cili e etiketoi socialistin si "kone" dhe më pas u drejtua tek ai, por u pengua nga forcat e sigurisë së Kuvendit.

"Për ty për ty e kam, hajde. A je ti zv.kryeministri që në përgjimet e Prokurorisë italiane del...po po për ty. O ti çohu në këmbë, o ti...Mos mu drejtua mua kështu o kone. Mos mu drejto mua si kone se je mësuar me këta", tha Salianji.

Pas rinisjes së seancës ka patur një koment nga të dy deputët. Braçe ka mohuar akuzat e Salianjit, duke shtuar se ka qenë një nga zërat q ëka kundërshtuar fortë "ARMO-n".

Ai shtoi se nuk e ka takuar asnjëherë Rezart Taçin, duke shtuar se ka individë të paguar për të përhapur këto akuza. Braçe shtoi se ai nuk ka qenë zv.kryeministër në kohën e përgjimeve.

"Dokumenti i përgjimit të Rezart Taçit mban datën 18 tetor 2021, unë e zotëroj të plotë dhe atëherë unë nuk kam qenë zv.kryeministër. Që në shtator ku është betuar qeveria unë kam qenë deputet. Që të jemi të qartë.

Ka njerëz që paguhen për të shpërndarë akuza sa te njëri te tjerët dhe do jua provoj që paguhen me cash. O e kam denoncuar unë ARMO-n, o s'ka fol njëri në këtë sallë dhe madje e kam kallëzuar edhe në prokurori. Unë s'kam folur kurrë me Taçin dhe as jam takuar kurrë me atë njeri", tha Braçe.

Ndërsa Salianji vijoi me akuzat duke i thënë Braçes të mos e marrë personale. Ai tha se Braçes nuk ka pse "i djeg" kjo çështje, nëse nuk është i përfshirë.

"Kur përdorni gjykatat dhe çdo institucion tjetër nga prokuria e kapur nga ju, ndërkohë që deputeti i juaj turret për të ardhur në foltore ndërkohë që po flas nuk e di pse të djeg aq shumë pyetja ishte e thjeshtë. Pse të djeg? A është zv.kryeministri dhe ministrja e Financave në përgjimet e prokurorisë italiane apo apo jo?

A është parafolësi ajo që flet dhe bën si e shenjta Mari kjo duhet parë. Por nëse është parafolësi që përflitet për para cash, këtë ua provoj edhe tek foltorja tjetër. Dhe meqë jeni për gjykatë ua provoj. Nuk është personale, pse e merr personale. Këto çështje me personale herën tjetër do të marr një që është i gjatë sa ty!"- tha Salianji.